لا تعذلين القلب

جريدة القبس الكويتية



[poem=font="Traditional Arabic,7,#000000,normal,italic" bkcolor="" bkimage="" border="none,4,#400000" type=2 line=1 align=center use=sp num="0,#400000"]
لا تعذلين القلب يا نفس مافاد= مهوب في حكمك ولا تقدرينه
القلب عند الغير مبلي ومنقاد= لو بالحجج يا نفس ما تقنعينه
بدل منام الليل سهر وتسهاد= وان تفهمي يا نفس هذي قرينة
الا نتصف ليله يزيد التوجاد= توجدي يانفس صرتي رهينة
صرتي رهينة عند حاجب وجلاد= فرض الهوى يا نفس هم طايعينه
سنوا عليك موبدن حكم الانفاد= والقلب عن قدرتك هم حاجبينه
غيرك يطيل النوم غافي ورقاد= وانتي لذيذ النوم ما تقدرينه
ياسيين يانفسي من السهر وشعاد = ياسيين خلي القلب لا تبحثينه
لاتبحثين جروح ترجع وتزداد= كفي حزين الصوت لا ترددينه
لاتبحثين حروق والام وانكاد=تنكا مواض القلب باول سنينه
سنين عاد الشوق غض بالفواد = تو الهوى ما فيه صد و ضغينة
ايا م كان الود صادر وميراد= من عيلم فيه المودة خزينة
وايام كان العشق جامح ووقاد= العمر توه والمحبة تزينه
لافيه لا عاذل ولا فيه حساد= دروع المحبة عن عدانا حصينة
نشرب قراحن ما خشر فيه نداد= عذب الروا مياح ما له وزينة
والحب لوع مهجتك يابن شداد= قبلي وابوزيد الهلالي طعينه
وقيسن شكا من قبلنا سقم الاكباد= ومحيسن جاب القوافي الحزينة
امثالهم كم عاودت قدم وجداد= وكلن على ليلاه يشكي حنينه
وانا سمل عيني من الدمع لهاد= حراق من قلب تزايد ونينه
الا ضواني الليل يرجع وينعاد= وان رمت دفعه طحت مابي وثينة[/poem]

صح لسانك وطاب بيانك ياعبدالله

عبدالله النعيمي

مرحبابك تراحيب ٌ لاتُحصى ..

صح الله لسانك وكم تمنيت لو خاطبت العين وليس النفس بما يخص السهر
تقديري

عبدالله


صح السانك ولاهنت

قصيده رائعه من رائع

لك تحياتي

مشرفنا العزيز حسن الوطري صح الله بدنك طال عمرك اسعدني تواجدك

صح لسانك وطاب بيانك ياعبدالله

المشرف العزيز سعيد الاكلبي سرني تواجدك وصح الله بدنك طال عمرك

عبدالله النعيمي

مرحبابك تراحيب ٌ لاتُحصى ..

صح الله لسانك وكم تمنيت لو خاطبت العين وليس النفس بما يخص السهر
تقديري

الاستاذ الفاضل ومديرنا المحبوب حمد الدليهي تبقى طال عمرك وصح الله بدنك عدد قطر السماء . ملاحظاتك محط اهتمامي طال عمرك وانا اجتهدت ولكل مجتهد نصيب و كان في تقديري المتواضع ان مصدر الحواس في الانسان النفس والقلب وهما في الغالب يؤثران في باقي الجوارح وهاذا ما بنيت عليه فكرتي البسيطة وفي النهاية نحن لم ناتي هنا الا لتعلم الجديد في هذا الصرح الادبي الشامخ وانتم رواد هذا الصرح فمنكم نتعلم وانا اخوك.