Tweet
( من الأرشيف )
[poem=font="simplified arabic,7,teal,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا وجودي وجد حال اللي زمانه حده=حده ورده عن المنهاج للمقعادي
قيـّـده قيـّـاد شيـّال الحمول وضده= ضده الوقت الشطيط وحط فيه قيادي
ماحد صارت له الدنيا على ما وده=والظروف تحوفنا والموت بالمرصادي
والمراجل للرجال حبالها ممتده=والمواقف فالنوايب للرجال تنادي
والفروق تبين لا كل وقف من جده=مثل فرق السيف والخنجر من الردادي
نذخر الصـدقان يوم أحوالنا مستده=وأحسب ان الناس ناسي والبلاد بلادي
ما دريت ان الوجيه من الوجيه مصده=كل منهم لا بغيته صد ما ينصادي
كم صديق يعتزي لي بالرخا وأعده=وافقده وقت اللزوم اليا بدالي بادي
وين خلان الرخا ما شفتهم بالشده=أثر طرّاد السراب اللي يتبارق غادي
بيحوا سدي وأنا اللي ما يبيح سده=لو يصير اللي يصير ولو حداني حادي
والردي حظه ردي ما يجي بها ف.. مسده=مخطي درب الجميل وحادر له وادي[/poem]
عبد الله المشعلي
تعليق