فقير ويحتحت من الفقر جيبه ..؟؟

مجرد رساله فكاهيه اتمنى وصولها
وهي تعبر عن معاناة الكثييييير مع تقديم الشكر لمقام خادم الحرمين الشريفين
للسماح بالتقديم على القرض العقاري بدون ارض ولكن المطلب الوحيد للشعب
هو ان يمتلك ارض قبل القرض ؟؟؟


قالو لي قدم قرض والله يجيبه
....................قلت البلا يالربع من وين اجيب ارض


فقير ويحتحت من الفقر جيبه
...................وياخاطر الفقران لن ما رضيت أرض


كلٍ على ماقيل ياخذ نصيبه
...................لو طار ثم وقع واخذ له مية قرض


تكفى يا ابو متعب ظروفي صعيبه
.................ولي خاطرٍ من عام الأول وهو مرض


لك مدةٍ بالجود ماهي غريبه
..................عطنا من تراب الوطن مالي الارض


مساحة الدوله رهيبه..عجيبه
....................وانتم ملكتوها من الطول للعرض


وإن قلت أنا في مملكتنا الحبيبه
..................أشوف سمسارٍ فرض سلطته فرض


وإللي سرقنا جعل ربي حسيبه
....................اللي يشبكّ كل قطعه وكل أرض



أبو سحـــايب

الله يجيبه!

لاهنت وصح لسانك وعسى الله ييسرها

أبو متعب ذخرنا وعسى الله يحقق جهوده
ويرزقه البطانة الصالحه

الله كريم يافيحان
والخير في وجود شيخنا الله يطول بعمره ابومتعب
لاعجمت على هذا القاف المعبر

العياضي
صح الله بدك شاكر لك حضورك


تحياتي لك