ياظالمه

في جريمة خطف البنات الصغيرات في جده على يد أحد الوحوش عديمي الضمير والانسانيه
ثم قتل الطفل احمد الغامدي بالطائف على يد زوجة ابيه بدون رحمه ولا مخافه من الله تعالى
قلت هذه الابيات باكورة مشاركاتي بهذا المنتى الكبير





[poem=font="Simplified Arabic,6,#000000,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
في مجتمع مسلم ودارٍ منيعه=نهتزً من وقع الجريمه ونهتال
حرام قتل النفس طيش وخديعه=حرام زرع السيف فارقاب الاطفال
مقهور من قتل احمد بلا ذريعه=طفل اربع سنين بذرى ابوه يغتال
لو قاتله مجرم تؤول طبيعه=طبيعة المجرم على الشر معجال
المشكله زوجة حسبها مطيعه=أعمى بصيرتها الردى مثل ماقال
وش الذريعه لو بحثنا الذريعه=تزهق نفوس بنزوة اخباث وانذال
لو احمد يعرف المنيًه سريعه=ما استامن العمًه حذف دونها جبال
لكن ما يدري وصارت لكيعه=ما قدرت صغره ولا تعطي امهال
ياظالمه ياقاتله يافضيعه=ما انت بزوجه صالحه دربك اوحال
وخطف البنات أقسم جريمه شنيعه=مايرتكبها غير سافل من اسفال
ياليت حد السيف نشهد لميعه=في ارقاب صناع الجريمه له اصهال
لازم يطول الحد سنه وشيعه=ويكون توصيف الجزاء جنس الاعمال[/poem]

لازم يطـول الحـد سنـه وشيـعـه
ويكون توصيف الجزاء جنس الاعمال


:
:
مرحبا ياحمود وصح الله لسانك ..

أخوي حمد الدليهي

الله يبقيك ويطول بعمرك

وصح بدنك

تحيتي وتقديري

ارحب يا حمود واساعة المباركه اللي جابتك ...

مشاركه اولى .. فيها من الحزن الكثير والكثير الكثير من الشعر والابداع

يا حمود صح لسانك وقواك الله ..

ارحب يا حمود واساعة المباركه اللي جابتك ...

مشاركه اولى .. فيها من الحزن الكثير والكثير الكثير من الشعر والابداع

يا حمود صح لسانك وقواك الله ..

سعيد القير


تبقا وتدوم بارك الله فيك

صح بدنك ومشكوووور على مرورك العطر

لاهنت

تحيتي