شيخ المواقف( ابو لهيمد)

السلام عليكم ورحمة الله وبركاته



[poem=font="traditional arabic,6,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]

الماء هنا يا للي شكيت من الضما=والكيف لاهل الكيف في بريته



السيف له هيبه وله راي لما=جت حزت الميعاد ياعانيته



سيف المعاني قبله سيوف الدما=محصورةٍ في مجدنا ومتيّته



من غير شك وغير ريب وربما=سيف المعاني عندنا ملكيته



من فضل خلاق له الكون انتما=ارواحنا بيده وفي جاهيته



ثمّا بفضل اللي له المجد اقسما=إن الوفاء والعز في شخصيته



ابو لهيمد مثل نجمٍ في السما=كلن يعاين له ويرقب جيته



يوم احتمى الميقاف والراس احتما=كل ٍ عصب كفه على جنبيته



والروس شاشت فوق واالطامن زما=والزحف بانت في الصفاء ماريته



وقف لها وقفة شجيع وارتما=المال مايحسب غلا هميته



شيخ المواقف يوم حمي الميسما=حمّاه بن زايد وبانت كيته

اللي على العليا تقدم واقدما= حتى ولو بعض الضماير ميته

رسالته الاولى بمعناها رما=انذار للي كاتب مرثيته



كنه يقول انا هنا ياهل الحما=الداب سمه مايموت حيته



انا لها وابليس عينه للعما=مجد قحطان اصّبحه وابيّته



والله لوً ماعاد فينا الا نما=إن تفتخر بالمرجله ذريته



حنا ليا عِدّو شيوخ وازعما=اصغر ولد فينا تشّرف هيته



اهل الحميا والشجاعه واكُرما=حتى الوفاء ترجع لنا جنسيته



مبروك يامن سطر المجد وحما=بيت الشعر واخلص وصفا نيته



يامدفع الميدان نفخر عندما=تضرب بك الامثال في رديته



مجدٍ على وضح النقا ماهو كما=قالوا وتعبوا واكثروا سلبيته



يامحمد شديد الاديب الملهما=يافارس المعنى فخر قافيته



لاهان من فعله على العالم طما=من دون ربعه ماحسب ماليته



هذا بن زايد حير افكار احكما=طناخته شجاعته حميته



فخر قحطان اللي على الاسما سما=رجم تعلا والعرب في فيته[/poem]

صح الله لسانك
جزل و قصيدك له وسمه

فخر قحطان اللي على الاسما سما
رجــــــم تـــعـــلا والـــعـــرب فــــــي فــيــتـــه
((والعرب في فيته))
الله يسعدك

بن شتوي
وعليكم السلام ورحمة الله وبركاته
عاش من شافك الله يسعدك

يااخي كفيت ووفيت وارويت المشاعر شعر
رتبته وانهمل من زلال نهرك لله درك
قصيده اعجبتني وشدتني لقراءتها

يستاهل بن شديّد ويستاهل ابولهيمد