ما طلبت إمْن الله الا انّه يغَفْر ذنوبي

السلام عليكم ورحمة وبركاته


صبحكم\مساكم .. الله بالخير جميع.,.,


قصيده متواضعه اتمنى انها تجوز لكم


[poem=font="Simplified Arabic,4,#000000,normal,normal" bkcolor="" bkimage="" border="none,4,#400000" type=1 line=0 align=center use=ex num="0,#400000"]
يالقعيمه والله انها عوجه و منكسره=لا تدوّر للحلول اللي تبي من صوبي
لي سنه يا بن سعد من عثرةٍ في عثره=والحظوظ العامره ما تعترض لـ دروبي
الهوى دوّجت به من برّه اليا بحره=لين من هوله قعدت آنوح و اشلع ثوبي
قولوا لـ من راح عنّي و ابتدى لي هجره=ليه يومه بالمحبّه حط دوبه دوبي؟
عارفٍ كسر الخواطر بس يجهل جبره=راح عنّي والعيون السود ما لدّوا بي
و دام يا نفسي على درب الجفا منجبره=عن دروب الحب يالنفس الكريمه توبي
وانت يا قلبي على اللي قد مضى لا تشره=شرهتك على عيونٍ دمعها عذروبي
والله ان الحب دخّلني بعالم سكْره=لين فقْت و شفت وش عيب الهوى وعيوبي
كل ما سجيت من طاريه والا ذكره=لاحت طيوفه على درب العنا وهلّوا بي
و ياسعد ما دامي برجلي وطيت الجمره=خلّني بين الهموم وحزني و لاهوبي
والهوى مادام ولّى يالقعيمه عصره=ما طلبت إمْن الله الا انّه يغَفْر ذنوبي[/poem]

سلامتكم,’,’

الله الله ما اجمل هذا الطْرق
صح لسانك وطاب بيانك ياناصر

صح الله الساااانك وانا اخوووك

صح لسانك يا بن هجار ..

مبدع دائماً ..