المعنّا لا بغى اللين ,, يهبي

السلام عليكم ورحمة الله وبركاته

مساكم/صبحكم الله بالخير .. قصيده للتواصل وتجديد العهد




شفتها من عقب غيبات وبعاد
شفتها والـقـلب حقق مـا يبي

فز قلبي يوم شفت الزين عاد
واحمد الله يـوم حقـق مـطـلبي

زاد حسنك والحلا والملــح زاد
شف عيونك طرفها يسبـي سبي

من سبايب غيبتك عفت الرقاد
وش طرالك يوم تبعد وش تبي

لايكون البعدهجران وعنـــــاد
كيف تبعد وانت تــدري بــتعبي

اخبرك حساس ولجرحي ضماد
ولا تحب الجور ياعــز طــلــبي

انت زين الـروح يانــور البـــلاد
ياشبيه الحــــور ياعــين الـــظبي

وانت طب القلب ولــقيضي بـراد
ولو تكون بعـيد جــيتك لــو حــبي

الله اكبر كيف حسـنــك بـازديـــاد
القمــر لــو شـاف هــالزين يـخبي

انـــورت دار بهـــا حـــل الــمراد
من رحــلــتي دمعــتي فوق هدبي

المسا في غيبتك صـــبر وجـــهـاد
والــــضيا والنور عــقبك مـــختبي

تــسهر عــيوني وخــلق الله هجــاد
ومع جــليسـي ماتـوافـــق مذهـــبي

خــالي الـــخاطر ولا ذاق الــــشداد
والمعنـــــا.... لابغـــا اللــين يـــهبي

وبـقدومــك كل فرحٍ غـــاب .. عــاد
ياهلا بـــك وارحــــبي ثـــم ارحـــبي


وسلامتكم

فهد بن عبدالكريم القحطاني

صح الله الساااانك يافهد

واسعدني مروري من هنا

صح الله الساااانك يافهد

واسعدني مروري من هنا

صح بدنك واسعدني مرورك

فهد

صح السانك ولاهنت


قصيده رائعه من رائع

لك تحياتي

صــح بــدنــك