JSSSيانوف روحي ترى مأنتي بمحتاجه JSSS

السلام عليكم ورحمة الله وبركاته
هذه أبيات لي وجدت بعضا من الأخوه قد قامو بنشرها في أحد المواقع بأسم مستعار كان لي قديما ولكني لم انشر به وابلغوني عبر الأيميل انهم قامو بنشرها لذا سوف اطرحها لكم هنا وارجو ان تنال بعضا من استحسانكم



[poem=font="Simplified Arabic,6,#0300FF,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]
يانوف روحي ترى مأنتي بمحتاجه = لك درب وأضح وأنا عارفتن أدروبي
ما عاد أنا أقدر أطاوع كل غناجه = بتوب يانوف وأنتي عجلي توبي
خلي المدهك بحر الذنب وأمواجه = يعوم وأنتي ترى خابرتن أذنوبي
من كبر ذنبي يانوف النوم سوهاجه = من كبر ذنبي ترى ماارتاح في ثوبي
يانوف قالوا تقرب لله وناجه = ودعه وربك كريمن يقبل التوبي
لكن روحي أنا ماعادلي حاجه = بتوب يانوف هذا كل مطلوبي[/poem]________________________________________

[poem=font="Simplified Arabic,6,#0A00FF,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]
عيشي بنجد اليوم يانوف يانوف = عقب الطمان أرقي براس الرفاعي
ما عادلك مسكان في داخل الجوف = أنسي هوانا من سنين الرضاعي
يوم أننا ما بين ضلعان وشعوف = عشره قديمه وأنتهت بالوداعي[/poem]________________________________________


[poem=font="Simplified Arabic,6,#0052FF,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]
ياللي تماريني بكدشن من السوق = شريتها وأشغلتني باللمارا
أنا يماريني هل العرف والذوق = اللي لهم في دفع الابواش كارا
والا أنت يابن الناس تاجر ومطفوق = ما تعرف الناقه من أم الجفارا
اللي شرالك عبدك الزول مرزوق = وحسبت ذودك من أحساب الخيارا
يشريلك الزقماء بسعر اطيب النوق = وتدفع ثمنها وأنت وسط الغمارا
بوشك مع الابواش مايرفعك فوق = اللي دفعته فيه ظلم وخسارا
لكني طعني وجلبه جعلك العوق = وشتر نعيمن تلتفت للحمارا[/poem]


________________________________________


[poem=font="Simplified Arabic,6,#003BFF,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]
العام أوريك زين الطرش يامشرف = واليوم تنقد بعيري يالله الخيره
اللي بناته اليامن روحت تهرف = يمسي على دربها من يشعب بعيره
شعل(ن) أسهاف الوجيه أرقابها تشرف = تشرف على نجد لوهي من وراء الحيره
هزع العراقيب قب بحبهن مسرف = أزبن عليهن من الازعاج في الديره
والا أنت رح يم زربات النخل وخرف = ون ما عطاك البلح دور على غيره
وأن طعتني خل عنك النقد يامشرف = لا حداك تخشر مع المربوط في شعيره[/poem]



________________________________________


[poem=font="Simplified Arabic,6,#0015FF,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]
الناقد اللي بالبحر حاول الخوض = ملح البحر شوه بياضة أسنونه
هو يحسبنه بنك يصرفلنا قروض = والأخ متسؤل يبيله معونه
من كبر قلبه ينقد البرق والنوض = ونقد بعد عنتر وعدل أطعونه
مغترته نفسه يبا دخلت الروض = لكن دون الروض عودن بشونه
والنقد لهل النقد ماهوب مرفوظ = لكن من مثله تراها مهونه[/poem]


________________________________________

لكم مني جميعا كل الشكر والتقدير

كتبة / جزاء بن حسين المدهك العصيمي العتيبي

الناقد المبدع والشاعر القدير جزاء العصيمي

لله درك على هذا العطاء

وعلى هذه الجزالة

كل مقطوعة تحوي الابداع

الف لاهنت يا قدير

جزاء


صح السانك ولاهنت


كل معزوفه اجمل من الاخرى


لك تحياتي

هلابك اخوي حسن الوطري شرفت بمرورك هذا المتصفح المتواضع
تقبل تحياتي

الناقد المبدع والشاعر القدير جزاء العصيمي

لله درك على هذا العطاء

وعلى هذه الجزالة

كل مقطوعة تحوي الابداع

الف لاهنت يا قدير

الشاعره شواهق نجد

شكرا لك على مرورك الكريم

لك مني كل الشكر والتقدير