ملك الأفعال ... لا ... الألقاب

السلام عليكم ورحمة الله وبركاته

أضع بين يدي ذائقتكم المميزة قصيدة (شاعر الملك) على أمل أن تحوز الرضى والقبول.


ملك الأفعال لا الألقاب

[poem=font="Simplified Arabic,7,#452A07,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]

محـدٍ رفـض للقــاب غـير انت بالـذات = تخسر لقب. وتفوز باجر وفضيله
لجــل اللـقــب لحـيـا توقّـى بلـمــوات = هم من فصيله. وانت وحدك فصيله
أنت اللـقـب عندك وسـيله الـ..غايات = هـم عنـدهـم غايـه اتبـرر وسـيله
يا خـــادم الـبـيـتـيــن قـدمـت الاثبــات = ان التعاون يفـعــل المـســتحـيله
أهــديـت للـعــالـم حــوار الحــضــارات =واصبحت في درب السـلام الدليله
مـديـت كـف الهـاك. واسـتقـبـلـه هــات =ونبت الـ..غلاك بكل قلبٍ فسيله
وشـاركـت شـعبـك في أداء الـمـهـمـات = أنتـه تشـد الحـيـل. ويشــد حــيله
وعلمتنا الـ..صوت الوطن فن الانصات = وصار الولا مذهب وطبع وقبيله
وان الـوطـن حـبــه يوحـد لـه اشــتات =ومـهـمـا بـذلـنا جـهودنا لـه قليله
وانْ فيـه يســر. وفيـه عســرٍ وكربات = وان الخـفـيـفـه بنـت عـم الثقـيله
وان الشـــدايــد مـصــنـعٍ للبـطــولات = وان العدو راسه ايشابه الـ..ذيله
وكيف الهزايم تنقلب لإنتصارات =ونرد كيـد اهـل النفـوس العـليله
وعـلـمـتـنـا ان الـمـيـْـت حـيٍ ولا مــات = دامـه مجـاهد لله او في سـبـيله
وصار السعودي رمز برض الرسالات = حـبه الـ..داره مـا يحـصـل مـثيله
ما يقول ويش اخـذت في ماضيٍ فـات = ايقول وش قدمت لرض الفضـيله
وما به ملك يرفض لقب من سمو ذات = غير انت يا راع الخصال الجميله[/poem]
............................................................ ................


وسلامتكم

عبدالله بن عايض بن رده الفهري

الله الله

صح الله الساااانك يابو عااااايض

جزل ولاتجيب الا الجزله

ويستاااهل ابو متعب جعل ايامه سنين

عليكم السلام ورحمة الله وبركاته


تسلم يالفهري على هذا النص الثري في من يستحق المدح والثناء اجدت بتوظيف الكلام المناسب والواقعي ..
صح لسانك وولائك

إبدااااع غير مستغرب منك يابو بندر

وصح لسانك وقلبك

اخووووك

والله لو اني في اللجنه ان احطك ضمن الخمسين شاعر دايركت


ماقول الا صح لسانك يابو نواااف


ومن ابداع لابداع