الشعب ولدوله

السلام عليكم ورحمة الله وبركاته

[poem=font="Simplified Arabic,6,#000000,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
الشعب والدوله بني عم واخوان=في صف ابو متعب قبيله قبيله
مترابطين كنهم عقد مرجان=دون الوطن بالواجده والقليله
يا شعبنا رزوا على الدار بيبان=تعصى على خطل اليدين العميله
كونو لعبدالله نواجذ ونيبان=لا غوي راع الدرب جرة دليله
لا هان ابو متعب سلايل كحيلان=صقر العروبه لاتعزوى نجي له
مدة يمينه كنها سيل ودان=عم الديار وربعت عقب سيله
رجل يخاف الله وفي قلبه ايمان =نطلب من الله يحفظه لا يزيله
ولاهان ساعد قايد الشعب سلطان=سقم العدى طب القلوب العليله
ويعيش نايف محتمي كل ميدان=عين الوطن زند الحمول الثقيله
الله زرع بقلوبنا حب الاوطان =ما زاغ عن مهاجنا الا خطيله
ياللي تسوم ارضك على فلان وفلان=السود فالك يا حزام الفشيله
يا ابو قناة طيرها سود غربان=انشهد انك لاش وانك هتيله
وينك عن الخفجي وعن ريع دخان= يوم المشوّك والثميدي هميله
مثل الحصيني زاع صوته ولا بان=وليا غزى يمتط فرث الهزيله
منت بنديد للبطل يا سعيدان=كلٍ على قده يدور زميله
لا بالله اما عالي القدروالشان=عبدالله اللي ما ندور بديله
كله وفا كله صخا كله احسان=كله على بعضه صفاتٍ جليله
غيره على وجهين شابع وجيعان=يبلع غناة ارضه ويلعب بذيله
من قال عن طلابة العدل جرذان=يجيه يوم اسود منيل بنيله
لبسه من اشجار البحر ياخذ الوان=يصلح على الكورنيش بايع بليله
لابد يجرع كاس حسني وسوزان=كاس يفرق بين خل وخليله
ماهي شماته لكن الصدر مليان=والشعر غايه بررتها الوسيله
سد اليمن ما خلخله غير فيران=واركانه انهدت وراحت عبيله
ما دامت الدنيا لكسرى وهامان=كم ظالمٍ خطط وابت تستوي له
نسمع على باب اليمن حذف غيران=ونشوف عمدان الدبى في نخيله
والشام يطبخ قدرها فوق نيران=والزاد عكرة ضب واسلاب فيله
هذي هي الدنيا منازل وميزان=كل على ماقيل يكتال كيله
سعر الوطن في مهجتي غالي اثمان=سامي وقطرات الولا من دمي له [/poem]

رجل يخاف الله وفي قلبـه ايمـان
نطلب مـن الله يحفظـه لا يزيلـه


ياسلام

ابدعت واحسنت يالقرم ..


صح اللسانك

صح لسانك يامحمد
نص جميل جدا
وولاء وعطاء للوطن والمليك
لاعجمت

بيض الله وجهك يامحمد

على هاذى النص الراااائع

رجل يخاف الله وفي قلبـه ايمـان
نطلب مـن الله يحفظـه لا يزيلـه


ياسلام

ابدعت واحسنت يالقرم ..


صح اللسانك

ارحب يا بن هضيبان
وصح الله بدنك ولا هنت يا غالي
شرفني تواجدك واطرائك لا عدمتك
تحياتي لك

صح لسانك يامحمد
نص جميل جدا
وولاء وعطاء للوطن والمليك
لاعجمت

ارحب يا بو مقبل
وصح بدنك يا غالي ولا هنت
شاعر كبير وحضورك مكسب لا عدمتك
تحياتي لك

محمد

صح السانك ولاهنت


قصيده رائعه من شاعر متمكن

لك تحياتي

حسن الوطري
صح الله بدنك يا غالي ولا تهون
والروعه حضورك على متواضعتي وشهادتك وسام لا عدمتك
تحياتي لك

بيض الله وجهك يامحمد

على هاذى النص الراااائع

يا مرحبا يا رايد
ووجهك ابيض وصح بدنك والله لا يهينك
شاكر لك مرورك وروعة تواصلك لا عدمتك
تحياتي لك