{ مـا يــلـحــقـك شـكـه **

بدون أي مقدمات

جديدي ارجو ان يرتقي لذائقتكم





[poem=font="Simplified Arabic,6,#000000,bold,normal" bkcolor="undefined" bkimage="images/toolbox/backgrounds/19.gif" border="none,4,#400000" type=2 line=0 align=center use=ex num="0,#400000"]
يا زيـن مـهـما حـصل مـا يـلحـقـك شـكه= حـروف الإبـــداع تـفـخــر لا تـهـجـيـتـك
باب الـغــلا فــكـه وبــاب الـعـتـب صـكـه=العـيـن تـبـغـى تـشـوفـك والصـدر بـيتـك
يا مـعـذب الـقـلب لــك فـي داخـلــه دكـه=أقــلـط وتـلـقـى مـكـان ٍ فــيـه هــنـيــتــك
ومكانـك الثـانـي أسـكـن فـيـه ثـم بـــكـه=وأحـذر تـنـقـص مــقـامي لا تـسـامـيـتـك
ومـسبـب الهــجـر والـحـرمـان قـم ذكـه =الـبـارحـة كــم طــريـت وكــم تـمـنـيــتـك
طيفـك على البـال يوم تـغـيـب لـه سـكـه=يــمـــر وأســج مـع طــيـفـك ومــريــتــك
أطـيور الأشواق مـع طـاريـك مصـتــكـه=شـربـتــك أشــواق لأكــن مــا تـرويــتـك
طالبـك باللي من الـمـشرك حـمـى مــكـه=أنــك تـروف بـخـفـوقـي يــوم حـبــيـتــك
في غيبتك شف افـجـوص الصدر مـنـتـكـه=اسمع صدى صوت قـلـبي يـوم نـاديــتـك
كــل العـبـارات مـع طــاريـك مـنـشــكـه=والهيض والغـيـض ترجـمنـي وغـنـيـتـك
وفـي ذمـتي لو دريت انك تـبى الفـكـه = أن ابعـد اشـوي وابــطـي مـا تـنـاسيـتـك[/poem]

ارحب تراحيب المطر يابو مسفر



صح الله لسانك ملايين و بيض الله وجهك
يا استاذي والله أنني أجد الجمال أينما حللت
و لا غرابة في ذلك فقد إلتزمت بالأصالة الشعرية في قصائدك مضيفاً عليها جماليات الحاضر


هنيئاً للإبدااااع بِكَ .. و كفىىىى

صح لسانك يابومسفر على هذا النص الرائع في بناه وفي فحواه

طالبك باللي من المشرك حمى مكـه
أنك تروف بخفوقـي يـوم حبيتـك


ابو نواف وانا طالبك ماعاد تخفي علي شي


لافض فوك ياستاذ

تقبل خالص تحيتي

يا زين مهما حصل ما يلحقك شكـه
حروف الإبـداع تفخـر لا تهجيتـك


يامبدع يابو مسفر


صح لسااانك ملايين

تحياتي لك

وفي ذمتي لو دريت انك تبى الفكـه
أن ابعد اشوي وابطي مـا تناسيتـك

صح الله الساااانك يابو نواااااف

معودنا على الجزلات

أطيور الأشواق مع طاريك مصتكـه
شربتك أشواق لأكـن مـا ترويتـك
طالبك باللي من المشرك حمى مكـه
أنك تروف بخفوقـي يـوم حبيتـك
في غيبتك شف افجوص الصدر منتكه
اسمع صدى صوت قلبي يوم ناديتـك


هذا الشعر اللي يقعد الرأس ويجلي العماس

لا عدمنا هالحضور

نص جزل من شاعرن تعودنا منه الأبداع

الله لا يضرك

تحياتي

مهدي صح لسانك


الجزل مايجيب الا الجزل


صح لسانك

أخوي الوافي محمد بن معدي

الله يبقيك ويطول عمرك

صح بدنك وبيض الله وجهك

يشرفني مرورك ورائك

تقبل فائق احترامي

يامرحبا يابومسفر ....
صح الله لسانك ودائماً جزل في ماتبوح من اغراض الشعر

أخوي سعيد بن مقبل الاكلبي

صح بدنك واعتلا شانك

شرفني مرورك ورايك

تقبل احترامي وتقديري