(( شاعر الملك ))

[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=1 line=0 align=center use=ex num="0,#400000"]


البارحة ليلي غريب غير عن كل الليال = متفرد (بالطرس) من وقت الدلوك إلى (الدلوك)

قعدت اركب لي عمل سحر من السحر الحلال = اللي ما يقدر فيه ساحر لو يجيب اقوى فكوك

واوترت في الثلث الأخير وقلت يارب الجلال = تحفظ وطنا من معادينه وجنبنا الصكوك

ويالله ياربي لا تقطع من كريمين السبال = مثلك يابو متعب ومثل اللي على الارض اشبهوك

مناقبك ياسيدي تفتح لشعارك مجال = حيث ان غلاتك عندنا مالُ وخوافقنا بنوك

اقلط على التاريخ سجل مجدك ايمين وشمال = اقلط بحبك واسحق اللي خططوا بالفيس بوك

اقلط وعلمهم فنون الحرب واسلوب القتال = يومك حميت حدودنا من شرذمة قوم (تلوك)

اقلط وبين كيف رواد العرب ترفا الخمال = دون مفاهيم التواضع والكرم عند الملوك

إن كان حاتم في زمانه للكرم مضرب مثال = فانته تعديته وانا اثبتها ولا فيها شكوك

حاتم كريم واجودي في مال ولا في حلال = وانته مع مالك سمحت اللي تردوا واغدروك

حاتم يحب الضيف لكن وسط بيته (والحِلال) = وانته كرم كفك مغطي من شروره لا تبوك

هذا على الوضع المحلي وان نظرنا كل جال = شفنا الدول من حولنا لا جارت الدنيا نصوك

أسست اساليب الحوار وكان في شبه المحال = من حكمة ورثتها من عند جدانك وابوك

والمدح لا يعني كمالك لن لله الكمال = لكن بحثك للتكامل رافد للي امدحوك

أنا كتبت الحرف واتقنته وثبت المقال = رغم اني اللي كاتبه باقول لك لا فض فوك

فضلك على حرفي كما فضل المطر على الرمال = جردا واذا جاها المطر تنبت رياحين و(كوك )

والورد عند البعض في الفازة يشوفونه جمال = وانا جمال الورد عندي قطفته من بين شوك

تعبيرنا باشعارنا فال ويتلاه العقال = بارواح شعب كل ابوهم لا دعى الداعي فدوك

شعبك يحبك حب ما يقبل نقاش ولا جدال = من قبل ما مدوا الايادي بالخوافق بايعوك

لو تنتفض الارض وتبي التغيير من حال لحال = حنا انتفاضتنا لحبك يرحم اللي خلفوك[/poem]





[align=center]محمد بن نغموش[/align]



[align=right]معاني المفردات

(الطرس) : الدفتر

(الدلوك) : من دلوك الشمس , يعني الغروب

(تلوك) : تلف وتدور بالغدر . يقال الرجل يلوك عمامته يعني يلفها ....

(والحِلال) : بكسر الحاء المسكن وما حوله على بعد النظر

(كوك) : شجر طيب تصنع منه السبحة النفيسة وقيل أن فراش النبي مصنوع منه[/align]

ارررررحب يامحمد

وصح لسانك على القصيده الجميله وزاد جمالها انها في ابو متعب

شاعر جزل وزود على الجزاله مطوع

اتمنى لك التوفيق يالغالي وفالك النوماس

صح الله لسانك يامحمد




ولاهنت






الله يحفظ المملكة وشعبها



ويطولي في عمر أبو متعب







لك تحياتي
ابو احمد

هلا وغلا يامحمد

وصح الله السااااانك وانت شاعر علم

والله يسعدك في الداااارين

ويستاهل ابومتعب الوفا

لافض فوك يا بن نغموش

قصيدة رائعة في رجل يستحق كل ما يقال فيه من مدح وزيادة

لله درك أخي القدير

الله الله
صح لسانك يامحمد
قصيدة جزله وفي حاكم يستاهلها
لاعجمت

اخوي الغالي محمد بن نغموش

صح لسانك واعتلا شانك

حضور رايع ولايستغرب ولافض فوك

تقبل فائق احترامي وتقديري