التواضع للكبير

[align=center]

السلام عليكم ورحمة الله وبركاته
عندما شاركت بمسابقة شاعر الملك كنت اتوقع ان يكون هناك انحياز للابداع خاصه وان المسابقه تحمل اسم شاعر ملك
وبعد ما قابلت اللجنه وخرجت من عند اللجنه قلت قصيده ويعلم الله قلتها بنفس اليوم ونشرت في منتدى الجوف

حتى لا يقول قائل انني نشرتها لانني لم افز بالمسابقه [/align]

[poem=font="Simplified Arabic,4,#13130B,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]

اكبر مصيبه لا غدى الاستاذ طالب يختبر = في مجتمع ما يقتنع ان التواضع للكبير
يالله عسى من هان نفسه واحتقرها للقبر = وش فايدة عمر الرجل لا صار بالصف الاخير
إلى متى وانا من الدنيا واهلها ماعتبر ؟ = إلى متى وانا اذبح بسيف الشعر جدي جرير؟
دام الثقه بالنفس ماهي لا غرور ولاكبر = ماهمني من قال متكبر ولاعندي ضمير
الساق يجبر كسرها والنفس صعبه تنجبر= والجنه اللي في جوار ابليس في عيني سعير
ايوب يصبر بس انا مالي ومال اهل للصبر = كل يوم اعين لي وزير بدولتي وافصل وزير
شهادة التزويروالتقدير في نفس الحبر =على حساب اهل البلد يلعب بتقرير المصير
يوسف ولد يعقوب مقدود ٍْ قميصه من دبر = لكن لبث في سجن جلاده من العمر الكثير
ياحظ قلي لامتى وانت بطموحي منثبر ؟ = الى متى يقودني اعمى البصر وانا بصير ؟[/poem]


[align=center]وهذه قصيدتي في المسابقه[/align]


[poem=font="Simplified Arabic,4,#08080D,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
بسم الله ابدا والهدف مرسوم ما دونه محال = إلا اذا خانت معاويد السني بحبالها
ان كان ما فزت بلقب شاعر ملك صعب المنال = تنعاف يا شعر ٍ قصر عن مدح راس رجالها
ما قلتها غرور لكن من رقى شم الجبال = ماعاد يملى عينه الا هضابها وجبالها
وشلون اجل و الملحمه في سيدي راس الرجال= وش زينها لا قيل صح لسان شاعر قالها
اربع قصايد قلتها بالشيخ في عشرة ليال = واحترت بين اوصافها والوانها واشكالها
مثل بدوي محتار بين ابكار ذوده والجلال= وانا بعد محتار بين ابكارها وجلالها
لو انها في غير ابو متعب سلمت من الجدال = لكنها بصقر العرب واللايمه تبرالها
وسميتها الشيخه عشان الشيخ ماليها جمال= وجملتها باسم الملك .. ربي يجمل حالها
ماهمني لو يزعلون اهل العروش بكل حال = الفرق شاسع بين راس المرجله واذيالها
ياخادم البيتين يا راع العطيات الجزال = يا تاج راس امة محمد كلها وعقالها
يا ملتجا كل العرب00 ياظلهم وقت الزوال = يافارج الضيقات بعد الله تفك اقفالها
لاصار بعض الناس ماهم للعروبه راس مال = انا اشهد انك راس مال الطايله واولى لها
دللت شعبك لين مل الشعب من كثر الدلال = واكسيت بيت الله قبل تكسا الملوك عيالها
وان قيل مافي للعرب عند المحن عم وخوال = اقول ابو متعب ابوها وعمها وهو خالها
من يوم كان النايب الثاني وعطفه لا يزال= ماهي شعارت انتخابيه رفعها وزالها
من غيره اللي دمعه الغالي امام الطفل سال ؟ = دمعة ملك ما كل عين بالملا تقوى لها
حتى الحمامه صوبها حول من الكرسي ومال = من قدها يومه غمرها في يديه وشالها
وان جيت اعدد مكرمات الشيخ من فوق الخيال = والشعب وافي يستحق المكرمه وامثالها
ما قلدو ثورة مصر يوم اصبحت تونس مثال = ما يقلد الا الببغاء.. لاطيب الله فالها[/poem]

[align=center]طبعا كان نقد احد اعضا اللجنه للبيت الذي اقول فيه

دللت شعبك لين مل الشعب من كثر الدلال

معتبرا ان كلمة مل ليست في محلها واعتقد ان خبراء واستاذة اللغه يعرفون جيدا ان هذا من صيغ البلاغه

واذكر قول دغيم الظلماوي يوم يقول في قصيدته اللي يسند على الامير محمد العبدالله الرشيد
ياطير شلوى ماذكر بك عذاريب 000لو تستحي ما تجمع الطيب كله

المهم هذا ما حدث واتمنى أن لا ارتكب غطله ثانيه واشارك في مسابقات يكون فيها القاضي
اقل معرفه بالقضاء من الشاهد 0
طبعا مع احترامي لاشخاص اللجان ولكن للاسف مستوى اللجان لا يرقى لاسم المسابقه 0[/align]

ياحظ قلي لامتى وانت بطموحـي منثبـر ؟
الى متى يقودني اعمى البصر وانا بصيـر

صح الله الساااانك

والله ماكتب لك الا اللي فيه خير ان شاء الله

وانت شاعر جزل وفالك التوفيق في الدارين

شــهــادة التزويروالـتـقـديـر فــــي نــفــس الـحـبــر
على حسـاب اهـل البلـد يلعـب بتقريـر المصيـر


اخوي عبدالرحمن صح لسانك مليون ثم اعلم يا اخي ان الرجل الواثق مثلك بهذه الشاعرية

العبقرية لايلتفت في هذا الزمان بالذات لمايخالف الواقع فالرسول عليه الصلاة والسلام

اخبرنابذلك .... صح لسانك الى ما لانهاية

ياحظ قلي لامتى وانت بطموحـي منثبـر ؟
الى متى يقودني اعمى البصر وانا بصيـر

صح الله الساااانك

والله ماكتب لك الا اللي فيه خير ان شاء الله

وانت شاعر جزل وفالك التوفيق في الدارين

تسلم اخوي رايد وعلا شانك وصح قلبك بيض الله وجهك

تحياتي وتقديري

شــهــادة التزويروالـتـقـديـر فــــي نــفــس الـحـبــر
على حسـاب اهـل البلـد يلعـب بتقريـر المصيـر


اخوي عبدالرحمن صح لسانك مليون ثم اعلم يا اخي ان الرجل الواثق مثلك بهذه الشاعرية

العبقرية لايلتفت في هذا الزمان بالذات لمايخالف الواقع فالرسول عليه الصلاة والسلام

اخبرنابذلك .... صح لسانك الى ما لانهاية

حياك ربي اخوي نادر
بيض الله وجهك ولا عليك زود طال عمرك

صح بدنك ودام عزك وكلامك في محله عز لاله

تحياتي وتقديري

عبدالرحمن


صح السانك ولاهنت


من اكثر الاخطاء المتكرره هو تسليم زمام الامور الى من لا يفقه بها


القصيدتين رائعات وفيهم من الصدق ما يميزهم عن غيرهم

لك تحياتي

حياك الله اخوي حسن وبيض الله وجهك اعتز بحضورك ومداخلتك القيمه

صح قلبك وعلا شانك

تحياتي وتقديري

عبدالرحمن المرخان

لك النكهه الخاصه لدي انا بالذات

اخ متااابع لكل مايصدر من مخيلتك وبشغف

لايشق لك غبار الى الامام


صح لسانك جزله من راس لاتستغرب عليه الجزاله

عبدالرحمن المرخان

لك النكهه الخاصه لدي انا بالذات

اخ متااابع لكل مايصدر من مخيلتك وبشغف

لايشق لك غبار الى الامام


صح لسانك جزله من راس لاتستغرب عليه الجزاله

اخوي جمال اتشرفت بمرورك العطر وثنائك الجميل جمل الله حالك وبيض الله وجهك

تحياتي وتقديري