مدري وش تبي

[poem=font="Traditional Arabic,6,undefined,normal,normal" bkcolor="" bkimage="" border="none,4,#400000" type=1 line=0 align=center use=ex num="0,#400000"]
حتى صباح الخير ماتلقى رضاك ..=وان قلت كيف الحال " مدري وش تبي"
"
ان كان قصدك بالجفا تبعد خطآك..؟؟=منته بمجبور تلبي مطلبي
يوم ان قلبي باح سده وش بلآك=ضاعت علومك فالخلآ ياصويحبي
مانت بقليّل ذات يوم الله عطآك=نفسٍ تقيه تعرف الله والنبي
أسهرت عيني بأنتظر لحظة لقاك =حتى انشفت عيني وحتت اهدبي
سقت القدم لآجلك على دروب الهلآك=الحب سرآني وأنا في مرقبي
لآتحسب اني يوم جيتك بارتباك=أحدٍ صفق خدي وجرجر غاربي
من عام الاول وأنت في عيني ملآك=فديت عينك ياعريب المنسبي
حملتني حمل ٍ وشلته من غلآك=لو كان من غيرك ابيخسى ويهبي
وإن كان هرجي ياحبيبي بيحداك=لك مذهبٍ بيّن وأنا لي مذهبي
وان كنت تجهل خافقٍ هزه جفاك=فانت تعرفني زين واتعرف اعربي
ياصاحبي كنت احسب ان لي في عطاك=قلبٍ ملكته حق ماهو من سبي
اكرام نفس الشخص من صوب احبباك=تتبع هوا نفسك ولو كنت تحبي
هذي مشاعر خافقٍ درهم وجاك=من هاجس قال ارحبي ثم ارحبي[/poem]

احسنتي يالنداويه على هذا النص المميز
صح لسانك وطاب بيانك

النداويه

صح لسانك

وسلم فكرك

تقبلي مودتي

مبدعة يالنداويه

ابيات جزلة من شاعرة جزلة

صح لسانج

مـــــن عـــــام الاول وأنـــــت فــــــي عــيــنــي مــــــلآك
فـــــــــديـــــــــت عــــــيــــــنــــــك يــــــاعــــــريـــــــب الـــمــــنــــســــبــــي
:
:

جميل يالنداويه .. تسلمين وتواصل لانعدمه
تقديري

سقت القدم لآجلك على دروب الهلآك
الحـب سرآنـي وأنـا فـي مرقبـي
لآتحسب اني يـوم جيتـك بارتبـاك
أحدٍ صفق خـدي وجرجـر غاربـي

ارحبي ثم ارحبي يالنداويه ..

جميل جدا هذا الفيض وهذا الشعور ..

شاعريه جميله جدااا سح لسانك وطاب بيانك وبيض الله وجهك