علينا للوطن حق عطيم ولا نفرط فيه

[poem=font="Simplified Arabic,5,#000000,bold,normal" bkcolor="" bkimage="" border="double,4,#400000" type=0 line=0 align=center use=ex num="0,#400000"]

علينا للوطن حق عظيم ولا نفرط فيه=نصونه ونتفانى في سبيل إدراك غاياته
ما دام انه عطانا الحب غير الحب وش نعطيه=نشوف الحب حتى ما تكفينا عباراته
وما دام اهدى لنا الإخلاص غير الشكر وش نهديه=يعجز الشكر لو تستخدم أعلى وأسمى آياته
ماله منّا جزا الإ بالنفوس الغالية نفديه=وعسانا بعد هذي كلها نلحق مجازاته
وطنا لو فدينا دونه الأرواح ما نوفيه=عزيز بقدرة اللي معتلي سابع سماواته
نحبه كيف لا وأغلى البقاع تضمها أراضيه=شعائر قبلة الإسلام في كل إتجاهاته
ومسجد سيّد الأمة ومبعوث الهدى حاويه=وعلى سفح المعالي والشموخ تلوح راياته
قبل نحميه رب البيت جلّت قدرته حاميه=وقيّض له من عباده من يحبون مرضاته
شموخه يستمده من شموخ الدين وتغذّيه=عقيدة مسلمينٍ تردع الظلم وعصاباته
وسيفٍ سطوته في الحق راس الشر ما تخطيه=تحت ظل العدالة سيّروا نهجه قياداته
على راس الهرم صقر العروبة حاظنه بيديه=ابو متعب ولد من وحّده ومجمّع شتاته
ملكنا اللي عسى ربي يديمه ذخر ويعافيه=ملكنا اللي قيادات الدول تشهد بوقفاته
لتحقيق السلام مبادراته وحدتها تكفيه=وكم في غيرها سجّل له التاريخ بصماته
وعلى شعبه صخى كفه مثل غيثٍ جرى واديه=نذر نفسه لصالح خدمة الشعب ومراعاته
يتابعها وهو في الخارج والاوضاع ما تخفيه=ولا قدّم عليها صحته وأهتم في ذاته
وسيّر مكرماته والوفاء طبعه وهو راعيه=تعوّدنا على فيض الكرم من طيب عاداته
وعلى يمناه ابو خالد وسام العز يا طاريه=ولي العهد قايد جيشنا الباسل وقوّاته
ونايف مزبن الخايف وصرح أمن الوطن بانيه=جهوده كم حفيفٍ اخلفت ظنه وهقواته
وطنا صورته بعيوننا ما تقبل التشويه=نموت ولا نفرّح له من العدوان شمّاته
يزودون العدا كيد ويزود اخلاص من يغليه=ولا يدرك بنا من غرّته نفسه طموحاته
واظنك ما فقهت العلم ياللي تزعم التفقيه=ظلمك اسمك حشى مالله قسم لك من حسناته
لك سنين تعقد الراي وتعلّيه وتدلّيه=ولا ذبّيت ريع ولا كسبت الإ التنهاته
اخذ راحتك عزي والله لراجيك وش يرجيه=وتجوّد في قناتك مثل جوّاد العمى شاته
ليا صك الحلق على البطان تشوف ما تشنيه=يروعك جمع من تقلط على البارود موّّاته
مداغيش الرجال ليا توارت في الوجيه وجيه=تسوق أرواحها للموت لا ما جات حزّاته
ترا كم عايلٍ قبلك سحبنا جثته بذنيه=يدوّر للغنايم غير لا جاها ولا جاته
عطيناك الكلام وكان عندك طاريٍٍ تنويه=تعال وكان ربي راد سوينا بك سواته[/poem]

صح الله الساااانك يااازيد ملايين

هلابك يازيد وصح لسانك على هذا النص الثري والقيّم في وطنيتك وولائك وشاعريتك ...



مجرد ملاحظه : اتمنى مراجعة هذا الشطر لحناً .
يتابـعـهـا وهـــو فـــي الـخــارج والاوضـــاع مـــا تـخـفـيـه

زيد






صح الله لسانك





وسلم فكرك وبنانك








ولاهنت





لك تحياتي
ابو احمد

صح الله الساااانك يااازيد ملايين

صح بدنك



لاهنت يا رائد عساك تحيا





تحياتي

هلابك يازيد وصح لسانك على هذا النص الثري والقيّم في وطنيتك وولائك وشاعريتك ...



مجرد ملاحظه : اتمنى مراجعة هذا الشطر لحناً .
يتابـعـهـا وهـــو فـــي الـخــارج والاوضـــاع مـــا تـخـفـيـه

مرحبا يا حمد


لا هنت على مرورك وتعليقك الرائعان


اما من ناحية ملاحظتك فلا اعلم هل تقصد الوزن؟


اعتقد ان الشطر موزون ، ولم توضح اين مكمن الخلل فيه



لا هنت جعلك تحيا