(( شي يعنيني .. ))

(( شي يعنيني ))


على حد المفارق باصرخ بصوتك وانادينـــي

.................. واذا فزيت له ثم ارتكزت اقول مت حـــــرّه

أنا ماهمّني باعيش حتى لوجفيتينــــــــي

..................... ولو قلبي يبس بيجي غلى ثاني ويخضـرّه

من فراقك بكيت ومايخصّـك شي يعنينــــي

................. أموت من البكا عادي ولا أرجي عطف مغتــــرّه

أنا شوقي طفل حنـّـان من رحتي مأذينـــي

.................... عفسني لعنبو داره عجزت أفتـك من شـــرّه

نهيته عنك كـم مـرّه عنيد ولا تلومينـــي

.................... تراني باذبحه واريحه وارتاح بالمــــرّه

أبنظم لك قصيده تشتكي منك وتبكينـــي

................... وباقراها واجاوب عنك نفسي عاود الكـــرّه

وباكتبها وباوزنها بعمري وإن كسرتينــي

.................... بحاول مرّه وثـنـتـين إلين أبرّد الحــرّه

ترى لولا قصيدي من تكوني يا بعد عينـي

.................... ترى كنتي فـ جرّه جاك شعري وأظهرك بــرّه

تبين الحق أحبك إيه أحبك وإن نسيتينـي

.................... ولكن كبريائي وســوس بقلبي يبي يغـــرّه

وحتى الحزن من بعدك توطـّاني وشمت فينــي

...................... وقام يقطـّع بقلبي على هونه ويجتــــرّه


********************************************


وسلامتكم

محمد عويضه

قصيدة جزله ومتكامله وقافيتها من القوافي السلسه

بيض الله وجهك




الولهــــــــــــــــــــــان

الأخ / الولهــان ..

أشكرك على كلامك الطيب .. تسلم يالغالي .

الشاعر المبدع محمد عويضه


صح السانك لاهنت يالقرم


تقبل تحياتي