Tweet
.
.
.
.
[poem=font="simplified arabic,4,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
من قبل نبدا بالقصايد والكلام=بسم اِلـْلهْ الرحمن رب العالمين
وازكى الصلاةْ عْـلى النبيْ خير الأنام=اللي بعث بالحق للناس اجمعين
والا الشعر فانا عليه آخذ وسام=غصبا عن اعداء النجاح الحاقدين
شاعر وشعري له مكانه واحترام =في ساحة الشعار والمتذوقين
لو ما كتبت الا قصيده كل عام=اعطي بها كم درس للمستشعرين
ماني الوحيد اللي رقى فوق الغمام=غيري من الشعار واجد مبدعين
واليوم طير الشعر والهاجوس حام=يقطف من افكاري زهور وياسمين
يرقابي الهاجس وانا ارقابه شمام=لعيون ابو متعب طليق الحاجبين
نهديه عربون المحبه والسلام=رغما عن اهل البغض والحقد الدفين
ونرفع كفوف الشكر للهْ فالظلام =نحمدْه سبحانه جلوس وواقفين
على سلامة سيدي عالي المقام=مليكنا صفوة ملوك المسلمين
ونعلن ولانا يا المليك ابن الامام =ونجدد البيعه على مبدا ودين
يا سيدي يا النادر الحر القطام =يا صادق الهدات يا خطل اليدين
يا سيدي يا ستر من تلبس لثام =يا ريف شعبك يا عقاب المعتدين
حنا رجالك لا اختلط عج وعسام= تلقى وفانا للوطن حصنا حصين
ولاءنا بنحور عدوانك سهام =واخلاصنا مكتوب لك فوق الجبين
لو كل حكام الدول شرقٍ وشام=شعوبهم صارو لهم متنكرين
ما عندنا ثورة ولا فيه اعتصام=ولا حن على حكامنا متظاهرين
ولا ننجرف في حزب ***** الرسام= ولا نتّبِـعْ ثورة حنان ولا حُنين
نعرف مدى الحرص ان شعبك ما يضام=ومن خطوة الاصلاح حنا واثقين
عينك عن احوال الرعيه ما تنام=تسهر على راحتهم وْهم نايمين
احطت شعبك بالرضا والاهتمام =والشعب بادلـْـك الوفا طول السنين
يدعي لك اللي في منابرهم قيام =ويدعي لك اللي راكعين وساجدين
يا سيدي لو كان ما مدحك لزام=جنبت عن مدحك وانا عذري سمين
هذا لان المدح في شخصك حرام=ومن قال ليه ؟ اجاوبه في كلمتين
غيرك نصف بالمدح قدره بالتمام= الا انت قدرك فوق مدح المادحين
والشعب لو حبك بحبك ما يلام =لاْنـّك نصير الحق والمستضعفين
نظرتـْك تغني الجايع وتروي الحيام=وبسمتـْك بلسم للشقيّ وللحزين
اليا سكتّْ يسود في الكون النظام =وليا نطقتْ الخير من وجهك يبين
يا سيدي ما دمت تمشي فالامام =لا تلتفت يا سيدي للمرجفين
يا خير من يمشي ومن صلى وصام= بعد الصحابه والنبي والتابعين
من كثر جودك كن ما غيرك كرام =تبذل ولا تدري اليسار عن اليمين
يا سيدي لي قول في مسك الختام= ويشهد على ماقول خير الشاهدين
ما دمت فينا حي حققنا المرام=وما دمت طيب والله انا طيبين[/poem]
احمد رده الحارثي
.
.
.
.
تعليق