(( مشرط الجراح ..))
أحبك قبل يتلاعب بصدري مشـرط الجــراح
................. علـى فكـره تخفـّي لاتشوفـك عين جـرّاحـي
أخاف اليا لمح زولك يجن وينقلب فــلاح
................. ويحرث في الحشا لاجلك وتتضاعف بي جراحي
بعذره من يلومه لك هدب لويرتخي ذبـّاح
................. وعين تخلي الصاحي خبل واللي خبل صـاحي
كحيله ناعسه فيها كسـل يستنزف الأرواح
................. عنيـده شـامخـه مـاهـمّهالـوهبّت رياحــي
ورمشك لو يشوفه شيخ ذب البشت والمسباح
................. تراجع وانتخى ( ياوالله اللي رحت يامناحي )
يغار الشهد من ريقك وعطر ورودك الفوّاح
................. فديت الغــرّه اللـي بدلت حزني بأفراحـي
أحبـك قبـل يتلاعب بصـدري مشـرط الجرّاح
................. عليـك الله وامانـه لاتشـوفـك عين جـرّاحـي
***********************
تعليق