قامت سلاطين العروبة تهاوى ...

.


[poem=font="Simplified Arabic,6,#05113A,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
قامت سلاطين العروبه تهاوى=على يدين الشعب والشعب جبّار
لا صارت السلطه فساد ورشاوى=لابد في حينٍ من الدهْر تنهار
والشعب دايم ضيقته ما تلاوى=بركان مايرحم لهيبه الى ثار
خلّى الأسد يلبس ثياب ابن آوى=لو كان عنده جيش طاغي وجرّار
واقفى وباثره روحنّ الدعاوى=وتلميعة الاعلام في وجه الاخبار
ما فادته حتى شيوخ الفتاوى=وش تنفع الحيلات في وجه الأقدار
والعدل عمره والطّغى ما تساوى=هذاك بالجنّه وهذاك بالنار
والكِبر لله والجروح اتّداوى=الاّ القهر والظلم للناس الأحرار
لكنّ حنّا عن شقاهم غناوى=وْلا فيه داعي نصبح اليوم ثوّار
الله كسانا في وطنّا وآوى=وفي وضعنا مانقبل أشوار من شار
حكامنا يا مبعدين الهقاوى=يا ذخرنا لا ثار في جوّنا اغبار
حنّا لكم مثل الطيور النداوى=اللي ينشمى هدّها كل صقّار
لا قامت اسباع العدوّ اتّعاوى=من دونكم ننطح صعيبات الأخطار
لكنّ لا تنسوننا بالرجاوى=ولا تسلمونا يا ذرانا للأعذار
وتسمّعوا منّا جميع الشكاوى=وقوموا لنا با لواجبه ياهل الدار
وخلّوا على درب الصلاح انتخاوى=ونبقى على نهج الوفا طول الأعمار[/poem]

.

خالد




صح الله لسانك




وسلم فكرك وبنانك





ولاهنت






لك تحياتي
ابو احمد

ياصح لسانك ملايين ياخالد
قاف معبر وشعر يستوقف عشاق الجزل
لاعجمت

اخي الكريم خالد الوقيت




صح لسانك




ولا هنت قصيده جزله راقت لي كثير





دمت بخير



تحياتي




اختك الزايديه

والكِبـر لله والجـروح اتّــداوى
الاّ القهر والظلم للنـاس الأحـرار



أخي الشاعر العزيز

خالد الوقيت


صح لسانك قصيدة فيها من البراعة ما فيها


سلمت وتقبل تقديري

أخوك

جمال بن حويرب