.. لو كنت غايب عن نظر بعض الاحباب ...!

لو كنت غايب عن نظر / بعض الاحباب ..
............... فالوقت الاغبر / صايرن في مسيري ..!

اضحك مع العالم / وبالقلب منصاب ..!
............... من ظلمتن / مكنونتن / في ضميري

أصيح ياوقت الشقا / ويش الاسباب ..؟
............... ماعدت أميز علتن في ( مصيري ) ..!

مديت كفي لزمن [ وين الاصحاب ] ..؟
............... وين الذي / لا شان وقتي / نصيري ..؟

وحيد بالغربه / وهالجرح .. ما طاب ..
............... وماصار لي ياكود جرحي / شويري ..!


وطير السعد لو كان بالكون ( ماغاب )
............... انـا ترى في هالزمن [ غاب طيري ] ...!


مرات احس اني بلا اصحاب واقراب ..!
............... ومرات اقول انه [ حياتي لغيري ] ..!


وياللي شكيت البعد لا تلحق عْتاب ../
............... لا صارت جروح الزمن ,, في ضميري


[ ومادام رزقي عند .. فتاح الابواب ..
............... ماينحني راسي ,, يلو غاب خيري ] ..!

.
.

.
.

اررررررحب يابومطر



وصح لسانك يالقرم



قصيدة رائعه من شاعر مبدع



لك تقديري

سند

صح السانك ولاهنت

قصيده جزله من جزل

لك تحياتي

الوطري / حسن /

بيض الله وجهك

وصح بدنك

لاهنت على المرور
.
.
.

اررررررحب يابومطر



وصح لسانك يالقرم



قصيدة رائعه من شاعر مبدع



لك تقديري

صح بدنك

والله لا يهينك يبن عسكر
.
.
.

مادام رزقي عند فتاح الابواب **ماينحني راسي ولو غاب خيري

هلابك ياسند وطاب جرحك وصح الله لسانك على هذا النص المعبر والمقارب لقبول المتلقي له رغم تعتيم مافي بواطنه ..
تقديري واحترامي