ياسيدي....!! بعد الغياب....!!

[align=center]السلام عليكم ورحمة الله وبركاته

متواضعه لعلها تغفر لي غيابي الغير مبرر ...!!!

للتواصل مع القلوب النقيه ....!!

صلوا على النبي[/align]


[poem=font="Simplified Arabic,5,#000000,normal,normal" bkcolor="" bkimage="" border="none,4,#400000" type=1 line=0 align=center use=ex num="0,#400000"]
ياسيدي راحت وياسيدي جات=سوالف ٍمابين نفسي وبيني
تمسك معي حالات وتفك حالات=كن المرض في داخلي مبتليني
ودي على هذي وهذيك بالذات=عيت تجي ياسيدي في يديني
الصدر شارع والضلوع المسارات=والهم يرسم خطة السير فيني
في داخلي عايشت حرب العصابات=والحرب تبغى واحد ٍمايليني
نويت اخربها وأفك الملفات=وأظهر لك الخافي وابيّح كنيني
إليا متى والوقت قيد وكلبشات=وإليا متى صمتي معه يعتريني
ياسيدي ياشين بعض العلاقات=اللي تشكك في غلا والديني
وجهة نظر لو إن فيها إختلافات=مانختلف والود حبله متيني
والحاجه اللي تنهش الكبد بسكات=راحت على بعض الأمور اتحديني
لا وقتي الحاضر ولافايتن فات=ياسيدي قامت تساوى بعيني
أهموم بقعا والظروف الصعيبات=مقيالها عندي ودايم تجيني
وإن كان تبغالك على هذي اثبات=يكفي تشوف إثباتها في جبيني[/poem]

ارحب يانايف
وعودا حميدا
وصح لسانك وطاب بيانك على هذا البوح الجميل

ارحب يا الذيب

مرحبا يا نايف

وصح لسانك

حضور رايع

تقبل احترامي

ابو مقبل

ياهلا ومرحبا


زدتني شرف طال عمرك


وتواجدك وساااااام طال عمرك واطرائك فخر

الــصــدر شــــارع والـضــلــوع الـمــســارات
والــــهــــم يــــرســــم خــــطــــة الــســـيـــر فـــيـــنـــي
ياسلام ياسلام
:
:

هلابك يانايف ومن طوّل الغيبات جاب الغنايم ..
تسلم على مابحت وعبرت بهذا المتصفح ..
صح الله لسانك وفكرك ... تقديري المستمر لك

الشاعر المبدع / نايف المحينيش
قصيده وافيه وجزله من شاعر جزل
صح لسانك وبيض الله وجهك ولاهنت

تحياتي

حسن الوطري

صح بدنك ولاهنت يالامير

وجودك واطرائك شرف

دمت كما تحب

ارررحب يامهدي

صح بدنك ولاهنت طال عمرك

وجودك شرف لاخوك

نايف المحينيش

كلمات رائعه وحضور متألق غير مستغرب

من نايف المحينيش0 صح الله لسانك

حمد

ارحب يابو سعد

وجودك اكبر فخر لاخوك


صح بدنك ولاهنت


كان لي شرف هذا التواجد طال عمرك