شعبك تراه بخير مادامك بخير

ابتهاجا يعودة خادم الحرمين الى ارض الوطن سالما معافا








[poem=font="Simplified Arabic,6,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""] ياهاجسي بالشعر هات التعابير=جاك السعد والخير ياهاجسي جاك

ارسم عن الموقف بالاشعار تصوير=لو المواقيف الكبيرة تحداك

الفرحة اكبر من كلام الشواعير=لو تنكتب تملى الدفاتر والابواك

يا خادم البيتين جينا طوابير=وافراحنا زادت بطلة محياك

سلطان للجمهور زف التباشير=بشر جماهير غفيرة تحراك

والهيل فاح من الدلال المباهير=وصب الغلا لك كل شعبك وقهواك

ومن فرحته ياسيدي غرد الطير=والكل من قلبه فرح بك وحياك

حتى الدير لبست ورود ونواوير=وشلون ماتفرح وهي دوم بحماك

غيرك ملك شعبه ببذل الدنانير=وشعبك يابو متعب من القلب لباك

لك في قلوب الناس قيمة وتقدير=الله وكبر ياذرا العرب ما اغلاك

ياسيدي هذي جموع الجماهير=من شوقها جت تحتفل يوم لقياك

في قلبك الطيبة وفي وجهك الخيروالشعر يعجر لايعدد مزاياك

ياكثر ماتنفق ايدينك قناطير=ولا درت يسراك عن بذل يمناك

شعبك تراه بخير مادامك بخير=سعادته لاشاف زولك وراعاك

ياسيدي جعله طهور وتكفير=الله يحفظك ياذرانا وياقاك

الله يعدي عنك سو المقادير=وبرعايته ياوافي العهد يرعاك[/poem]

أخي عبدالرحمن
بيض الله وجهك
يستحق الممدوح
كل هذه المشاعر من شعبه المحب

لك جزيل الشكر
ولك جزيل التحايا
اخوك غريب
أبو ولايــــف

.,


تسجيل توااجد ..!!
أبو راكان / صح لساانكـ مدد




.,


,


تقديري لكـ والتحاياا

يستاهل ابومتعب كل هذه المحبة والشعر والشعور
لاعجمت ولاهفيت ياعبدالرحمن

ابو ولايف
غريب الشمراني
وجهك ابيض
وصح بدنك ملاييين
تقبل تحياتي الخالصة

مشرفنا الغالي
حسن الوطري
صح بدنك واشكر لك مرورك الجزل