صوت وصدى

[align=center]قصيدة للشاعر/ سعود بن عبدالله الحربي ومجاراتي لها [/align]

[align=center]قصيدةالشاعر/ سعود الحربي[/align]
[poem=font="Simplified Arabic,6,#000000,bold,normal" bkcolor="" bkimage="images/toolbox/backgrounds/4.gif" border="double,3,#400000" type=0 line=0 align=center use=ex num="0,#400000"]
أليا مدحك الردي لايفرحك مدحه = كم من حليمٍ سقاه السم مداحه
يذرف ادموع الغدر بعد خبر ذبحه = وينوح حدر النعش لو كان ذباحه
ينشي على منعطف خسارتك ربحه=يسقي من دموع حزنك زهرة أفراحه
لو يلبسك تاج ولا وشاح في طرحه = لاخير في تاجه ولاخير بوشاحه
المجد ماتبني ابغال العرب صرحه =تبنيه حصنٍ لجور الوقت نطاحه
ويبنيه حراً ورا نجم الجدي شبحه =على غزير المعارف شع مصباحه
حلمه رقا للقمر حتى وصل سطحه =يجني ثمر رحلة التعليم واكفاحه
اسمه رعاه الزمن كلما طلع صبحه = مايدفنه ماطر التغيير وارياحه
كلٍ يعرف الخوارزمي بعد كدحه = ريضان فكره على الكراس فواحه
ومثله نيوتن نشر قانونه وشرحه =دله على فكرة القانون تفاحه
اذهن لقلبك ليا منه غفى صحه =لايوهمك من يده تومي بمسباحه
اماخذا حاجته يكشف مدى شحه =ياسرع مايقتفيك العفن بسلاحه
خله عسى يبتلى الجراح في جرحه =الناس عن هرجة التجريح مرتاحه
الكلب ينبح ولا هم الجمل نبحه = معروفٍ امراحه ومعروف مسراحه
راع الكرم تفخر العربان في مدحه =تزينت صفحة التاريخ بامداحه[/poem]


[align=center]وهذه مجاراتي له[/align]
[poem=font="Simplified Arabic,6,#000000,bold,normal" bkcolor="" bkimage="images/toolbox/backgrounds/4.gif" border="double,3,#400000" type=0 line=0 align=center use=ex num="0,#400000"]
الناصح اللي صغت لسماع في نصحه = اللي تكلم عن الأوضاع بالساحة

وش له يحسد الضّعيّف نشوة الفرحه = لو نص ساعة يرفرف بالسما اجناحه

اللاش لو يُمدح له مدحةٍ مزحه =صدق بها وسيرته للناس فضّاحه

مايدري ان مدحته في نصها رزحه =يقضي بها راعي الحاجة تمصلاحه

يشتال شلفا ذياب وسيفه ورمحه =ويقول قومي لروس القوم نطاحه

وتاريخ لمجاد ماله به ولا صفحه =خسارته بالمراجل تمسح أرباحه

ايصد من راعي الماجوب لانطحه =ويلد لنظار فيه بكثرة اصياحه

مشروع يبذر شعيره في وسط قمحه=ولاذاق محصول بذره غير فلاحه

كد الشقي مايجي لعياله ابفسحه=اتموت عينه ماذاقت نفسه الراحه

تسكير باب البخيل اخير من فتحه =اقليل الفود دايم مده اشحاحه

امقابله لك يجيب الضغط والقرحه=والبعد عن ديرته سلوان وسياحه

جعله فدا اللي يشب النار من قدحه =اللي حزام المراجل يكرب اشباحه

المرجله ورث جده ماهيب منحه = وقت التنافس فعوله تضمن انجاحه

الكفو ذكره يجمل من يبي مدحه = في راس قمة جبال اطويق والباحه[/poem]

ابوسيف

اررررررررررحب وصح الله لسانك مليااااار

وبيض الله وجهك مجاراه رائعه من شاعر جزل ويعشق الجزاله

ابوسيف

اررررررررررحب وصح الله لسانك مليااااار

وبيض الله وجهك مجاراه رائعه من شاعر جزل ويعشق الجزاله

[align=center]

الله يبقيك يابو فيصل

وصح بدنك يالغالي

ويشرفني مرورك الكريم

تقبل تحياتي[/align]

محمد

صح السانك ولسانه


صوت وصدى رائعان

لك تحياتي

[align=center]
صح بدنك أخوي حسن

شرفني مرورك

تقبل تحياتي[/align]

ارررررررررررحب يابوسيف



وصح لسانك ولسان الشاعر سعود الحربي



صوت وصدى رائعين لشعراء مبدعين




لكم تقديري