,, من غير لوحات انتبه ,,

مع التحيه والتقدير لكل العابرين



[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
كنت احسب ان العقل با الثقل مربوط=اثري خفيف الوقت فك ارتباطه
ما كان في بالي علامات ونقوط=حتى لقيت الكاش فوق البلاطه
رحت برضا روحي على جو مغلوط=وقابلت با التيار ذروة نشاطه
زاحمت فيه وجيت ضايق ومضغوط=فوق البسيطه وانكسار البساطه
وبين البسيطه والبساطه ومبسوط=ثارة عواصيف الخطا والعباطه
سوّت على السيره مسارات وخطوط=ومن الوحل يصعب عليك التقاطه
زنجير متعاوج وزنجير مفروط=وراع الابط مجهول وش تحت اباطه
بشت الزمن كنه مع الوسط مشعوط=وصعبٍ على الابره ترقّع مخاطه
الهاويه فيها انحدارات وسقوط=من غير لوحات انتبه للاحاطه
لكن بقي شيٍ على البال محطوط=راس الجبل ما ينثني للهباطه[/poem]

راس الجبل ماينثني للهباطه
الله الله
صح لسانك وطاب بيانك يامرزوق

الهاويه فيهـا انحـدارات وسقـوط
من غير لوحـات انتبـه للاحاطـه
لكن بقي شيٍ على البـال محطـوط
راس الجبـل مـا ينثنـي للهباطـه

:
:

الرمالي مرزوق .. الشاعر المتمكن والمقتدر دائماً في تركيب الأبيات بالمعنى العميق