[align=center][poem=font="Simplified Arabic,6,#020B51,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
لا يخدعك ضحك سنّي والله أنّي حزين = ضحكي مجامل واخبّي ضيقتي بالخفا
حنّا ثلاثة تجمّعنا وعشنا سنين = أنا وهمي مع شين الظروف احلفا
ماهقوتي نفترق والوقت عيا يلين = وظروف الأيام ما جادت بذرّة وفا
الهم / نعم الخوي والبعد ساسة متين = والليلة السرمدية جوّها ما صفا .
والحظ عيّا يقوم وطبع الأيام شين = ما تعترف في شيوخ ولا تعرف شرفا
وطبع الليالي جفا والحظ عيا يزين = لا جيت ادوّر لذيذ النوم همّي لفا
ياقو صبري على همي وجرحٍي الدفين= من قبل عشر سنوات بخافقي ما شفا
دوّرت باب النجاة ولا لمحته بعين = ملّيت كل الوسائل صابني ما كفا
افا يـ الأيام ..! وش حدّك على عبيد لين = ادميتي القلب وارهقتيه افا ثم افا
ليتك وفيتي وقدّمتي بوادر حنين = ولا بخلتي وحوّلتي المواصل جفا
كان .. ازرع الوصل بالجوري وبالياسمين = واحطب من البرد لصدور الليالي دفا
وأخلّي الحلم يتراقص شمال ويمين= واخلّي آمالنا ترقص طرب واحتفا
لكن همّي سَواة السيف حدّه سنين=ميّل على آمال عمري وإن جرح . ما رفا
ياهم ..! رافقتني واصبحت حصنٍ حصين = وعيال عمّك تعاقبني تقول اخلفا
احرجتني وأنت مالك عند شرواي دين=والقلب ما هو حديد أو قطعةِ من صفا
احس / وازعل / واعاتب / وافهم الوضع زين=واللي خلق مكة أن القلب منك أكتفا
لله درّك عرفت الكتف توكل منين = وحاصرتني مع مرور الوقت وجه وقفا[/poem][/align]
لا يخدعك ضحك سنّي والله أنّي حزين = ضحكي مجامل واخبّي ضيقتي بالخفا
حنّا ثلاثة تجمّعنا وعشنا سنين = أنا وهمي مع شين الظروف احلفا
ماهقوتي نفترق والوقت عيا يلين = وظروف الأيام ما جادت بذرّة وفا
الهم / نعم الخوي والبعد ساسة متين = والليلة السرمدية جوّها ما صفا .
والحظ عيّا يقوم وطبع الأيام شين = ما تعترف في شيوخ ولا تعرف شرفا
وطبع الليالي جفا والحظ عيا يزين = لا جيت ادوّر لذيذ النوم همّي لفا
ياقو صبري على همي وجرحٍي الدفين= من قبل عشر سنوات بخافقي ما شفا
دوّرت باب النجاة ولا لمحته بعين = ملّيت كل الوسائل صابني ما كفا
افا يـ الأيام ..! وش حدّك على عبيد لين = ادميتي القلب وارهقتيه افا ثم افا
ليتك وفيتي وقدّمتي بوادر حنين = ولا بخلتي وحوّلتي المواصل جفا
كان .. ازرع الوصل بالجوري وبالياسمين = واحطب من البرد لصدور الليالي دفا
وأخلّي الحلم يتراقص شمال ويمين= واخلّي آمالنا ترقص طرب واحتفا
لكن همّي سَواة السيف حدّه سنين=ميّل على آمال عمري وإن جرح . ما رفا
ياهم ..! رافقتني واصبحت حصنٍ حصين = وعيال عمّك تعاقبني تقول اخلفا
احرجتني وأنت مالك عند شرواي دين=والقلب ما هو حديد أو قطعةِ من صفا
احس / وازعل / واعاتب / وافهم الوضع زين=واللي خلق مكة أن القلب منك أكتفا
لله درّك عرفت الكتف توكل منين = وحاصرتني مع مرور الوقت وجه وقفا[/poem][/align]
تعليق