Tweet
من الأرشيف المتواضع.......
هاض الغرام وكل مجروح ناحي
يالايمي والكبد همي كبدها
ذكر محاه من الصواديف ماحي
وايامنا محد سلم من نكدها
عجزت مادري وش بقالي واناحي
ولا وش اللي راح لي من عقدها
ألين ضعضعني وكسر جناحي
وخانت مقاديم الروابع عمدها
طماعة راحت بليا صلاحي
والهم عقب الذاهب امر وأدها
راحوبها ماودها بالمراحي
مرواح روح فارقت من جسدها
راحوبها والبعد سم ذحاحي
عاثور نفس قرب الله وعدها
راحوبها وانا قريب مطاحي
على المكان اللي وطيته بعدها
جيته وانا ملتاع والسد باحي
وتسابقن عبرات عيني جهدها
قمت اتفقد رسم كل النواحي
وألد بعيوني وأجدد عهدها
هذي مواطيها عفتها الرياحي
البارحه واليوم خلت بلدها
ماباقي الا ذكر ظبي البراحي
قفوا بها وأومت على البعد يدها
اتلا بكاها فالموادع صياحي
واتلا دموعي من عيوني رمدها
يالله عسى وبل الحيا يوم لاحي
في مزنة زلزالها من رعدها
وبل يروي للمقطر قراحي
سيله الا مر الخريمه بجدها
ينثر على الوادي وذيك النواحي
ثوب من الخضره يجدد سعدها
يومنها منزال عفراء المشاحي
اللي ردايفها مثاني جعدها
عرفتها والعرف جاله جراحي
وياحرة حراقها مابردها
طلبتها وأيست عقب اللحاحي
وأقفيت روحي ماتشاوى لهدها
وصار الفراق ومحجر العين فاحي
وعزي لعين سوها من سهدها
يومي سبات وليل عيني مضاحي
الجفن لاشاف الغداري عبدها
كن الهجاد يواعده بالصباحي
وكن العيون اليا استكنت هجدها
اقبل ضماها والموارد ضحاحي
الا وعاد الكبد يزمي كبدها
ا
ل
غ
ا
ز
ي
تعليق