وداعيه ياهل الشرقيه

[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
لاوله بسم الله الرحماني=جل وتعالى خالق الأنساني
الله واكبر وذكره سبحانه=وعوذبه من نزغة الشيطاني
والثانيه ياهل العقيده صلو=على النبي المصطفى العدناني
والثالثه تحية اهل الجنه=سلام من قلبي ونطق الساني
والرابعه ياهاجسي لاتبخل=وحسب حساب الزود والنقصاني
في موقف يرفع مقام الشاعر= الا يجمل وقفة القفيفاني
والخامسه بسم ابن عمٍ وافي =يمرحبا ماهلت الامزاني
ترحيبنا بالضيف حق وواجب= سلمٍ تورثناه مالجداني
يامرحبا ثم ارحبو ترحيبه=من طيبها يرجح بها الميزاني
بسم ابو فارس طيب الله فاله= اثني الترحيب بالضيفاني
في مجلس اللي له مقام وهيبه = وليا نخيته في اللزوم يباني
حسين مثل طويق رجمٍ راسي= متورث مجده من الشيباني
ابوه كساب الوفا ولطاله=من روس قوم في القاء شجعاني
افعالهم بين العرب معروفه = يشهدلها القاصين قبل الداني
لما ذكر بين العرب طاريهم=كل يقول ونعم يالهراني
والنعم ياسيف قحطان الصارم= تاريخكم يبقا مدا الازماني
وقفة صباح في القصب مشهوره =ثار العجاج وكوس الدخاني
والله ما فيهم ذليل يطرا=وادناهم اللي قي اللقا قوماني
منهم عيال العود ومقدمهم =الشيخ بن مصلح ووقعه باني
اعيال ظافر في االوازم سدو=قول وفعل والرمي له نيشاني
علي وخوه ابو محمد ذادو= دون القصب رميٍ على الذرعاني
ومنهم سليل المجد فارس ربعه= ظافر هويج الوافي كحيلاني
يوم انتخا ظافر عريب المجنا =لعيون عذراء تنتخي الفرساني
قال ابشري والله وانا اخو مهره = بالعز واليوم القصب يعناني
صطرله التاريخ مجد شامخ =حما المواقف والعدو مهاني
وعيال هران الزحول عضوده =كل تعدا بالفعول الثاني
ذولا بني عم العريب الوافي =حسين ساسه شامخ البنياني
متربع ما بين عم وخالي =قول صحيح ما يبي برهاني
ابوه عدا كل رجم نايف=ذكره ينومس والفعول سماني
والخال اخو فلوه عريب المجنا = زبن الدخيل معطب الاكواني
سعيد ابن هدبا زبون الخايف= سعد الرفيق وسيفنا شاماني
من بعدهذا ياقصيدي درهم=وذكر فعول معرب السيساني
شيخٍ شموخه مثل رجمٍ شامخ=فيه الذرا للمبتلي مزباني
سعود بن سعيد شيخٍ ذكره= مثل الذهب ولول والمرجاني
مروض العسره زبون الكايد = ولياهرج يصهل صهيل حصاني
هيبة مقامه في سمو افعاله =هداج تيما مروي الضمياني
مدت يمينه مثل موج عاتي =في غزرها واعذب من الهتاني
قصره مراد والركاب تنوخ=في ضل قصرٍمامعه بيباني
والمجلس اللي عامرٍبضيوفه=كيفه يفوح بدلة الرسلاني
فيه ارحبو ثم ارحبو رنانه=ماتنقطع في مجلس بليهاني
لضيف من طيبه حجاجه يضحك =على جبينه للكرم عنواني
شيخ الشيوخ اللي بفعله عدا =على الشيوخ متعب الشيخاني
وفي ذمتي ماهي تليق الشيخه = الابمثل الشيخ ابوسلطاني
يعني لوان في الارض شيخ مثله= قلنا طلع فالناس شيخٍ ثاني
ومن قال من هذا كلامه قولو=هذا كلام الشاعر السنحاني
سعيد ابوديه وجدي حازب=والحمدلله لابتي ظفراني
ربعي على حد قحطان الشرقي=سيفٍ سقيل يحمي الحداني
كلٍ يجيه الحرب غصبٍٍ عنه=والحازبي يرخص له الاثماني
وليا اعتزينانغضب القراعه=لاثار عج الخيل فالميداني
منااهمام الا ومنا مارق=ومنا عقيل مخلص الدياني
ومحمد ابن عون واخو فلوه=ومنا ال عيفه خيرة الصبياني
ومنا سنام المجد شيخٍ عارف=هذاك ابوديه زبون الجاني
وحنا هل التاريخ واهل الضمه=كم خايفٍ يامن تحت جنحاني
يالابتي ياسادة اهل الدنيا =يكفيكم ان ساس العرب قحطاني
وياحضرة الجمهور ابا استاذنكم =اذا سمحتولي بعلمٍ ثاني
وليا حصل مني قصور اسف= ياعزوتي يامحزمي الملياني
انا نويت ارحل عن الشرقيه=لديره اللي حبها ناداني
حنيت لدياري ومسقط راسي=وانا لاني راضي ولازعلاني
والحمد لله ربع قرن كامل=وانا بخدمتكم هنا متفاني
خدمة شرف شيمه بدون مقابل=لعيون ربعي وقفتي مجاني
علي الحرام اني ماقول اعطوني= ماني بمثل افلان ولا افلاني
رزيت بيرق لابتي فالقمه=غصب بلا منه على العدواني
واليوم هذاالرايه الخفاقه=مصيونة وسلمتها سلطاني
عساه يرفع قدرها ويوقف=من دون ربعه وقفةٍ تنباني
بلا قصورٍفي علي بن حمري=اللي على درب الوفاء خاواني
وانا اعترف والله عليها شاهد=انه تعداني ولا عاداني
وشاعر قبيله مايليق بمثله=وانسب لقب له شاعر الاوطاني
واختام قولي ياهل الشرقيه=شكراً على اصغاكم وصح لساني[/poem]

اي والله صح لسانك

الغالي والوافي سعيد ابو ديه

سلمت ودمت ولاهنت

صح لسانك وبيض الله وجهك

رايعه ووافيه من وافي

تقبل احترامي وتقديري

ارررررررررحب يابوعبدالهادي



وصح لسانك ملايييييييييين




قصيدة جزله من شاعر عودنا على الجزاله



ونعم بك ونعم بك وبجميع المذكورين في القصيدة ولايهون الحاضر



واهل الشرقيه معترضين ولن يوافقون على الانتقال ؟؟؟؟


تقبل تقديري

ابو مبارك


اولا صح لسانك على هذه المعلقه


وثانيا لن نقبل انتقالك وفي رقبتك عهده غير عهدة سلطان


وانت تعرفها


اما والله نروح سوا او نجلس سوا



على كل حال هكذا هي الايام



ويكفي اننا يمكن عشنا في الشرقية اكثر مما عشنا في المكان اللي عشنا فيه الصبا وانحرمنا لذة النظر الى الوالدين والاقارب والمكان .


تمنياتي لك بحياة سعيده


وسلطان شاعر شاب وان شاء الله يسد اللزوم والمستقبل امامه مفتوح


وصح الله لسانك على كل بيت قلته وانتوا ونعم والشيوخ ونعم ولا على القبايل زود


تقبل تحياتي


اخوك


ابونايف

ياسلااام ياااسلاااااام

والله كفوووو مليااار ياوجه سنحاااان فيك وفي من ذكرت

وانت شاااعر علم وفعلك وصيتك غاااانم

وسلطان من صلب مبااارك ومايحتااج

والله يحييك في الجنززززب باسمي وبااااسم اهل الجنوب بالنياااابه

الله الله الله

يسلم راسك ويصح الله لسانك ملالالالالالالالالالالالالاين يابوديه

اشهد الله انك عملاق شعر وتبقي عملاق

وتاريخ سعيد ابوديه يكتب بماء الذهب في صفحات الشعر

ويشهد الله علي ماهي مجامله

قصيده وافيه وكافيه وتحكي مسيره علم واهل القصب كفو ويستحقون المدح

واقول ارررررررررررررررررررحب ملالالاين في الجنوب انا من اسعد الناس بوجودك هنا

فالجنوب متعطشه لوجود الشعراء الاعلام مثلك

وسلطان شاعر له مستقبل كبير والله يوفقه

اي والله صح لسانك

الغالي والوافي سعيد ابو ديه

سلمت ودمت ولاهنت

صح لسانك وبيض الله وجهك

رايعه ووافيه من وافي

تقبل احترامي وتقديري

اررررررررررررررررررررررحب يابو نواف

ومرورك من هنا وسام على صدري يالوافي