@@ من حقرنا نحقره @@

[poem=font="Traditional Arabic,6,#331E5C,bold,normal" bkcolor="" bkimage="" border="none,4,#400000" type=1 line=0 align=center use=ex num="0,#400000"]
من حقرنا نحقره ما عليها جدال = و النوايا مطايا و الفعايل دليل

ما حسبنا الخساير لو توازي جبال = الله اللي يعز و ذل بامره جليل

راس مال الصميدع .. سمعته بالرجال = اما صاب الغنايم و الا قفى ذليل

في زمنا عرفنا .. وش يفيد الريال = كم يعلى سفيهٍ بالمراجل قليل

و في زمنا عرفنا .. كيف حمل الجمال = ما ورى حمل همٍ فوق قلبٍ عليل

شايبي حط باذني .. كلمتينٍ ثقال = لا تصاحب وضيع و لا تفارق خليل

و جلد ما هو بجلدي .. ان تشّوك حلال = الا نفسٍ كما نفسي و فيها حليل

ذا زماني اعرفه .. بين حالٍ و حال = ما يعرف السلامه .. تحت ظلٍ ظليل

آخر القصد كلمه .. لو يبيها عدال = ما ضربنا حسابه في نهارٍ و ليل[/poem]








[align=center]


اجمل التحايا
ناصر السحيمي[/align]

مرحباً بالبيوت الفارهات الجزال
وحي من هو بدعها أشهد أنه جزيل

أرحب ياناصر تراحيب الحيا
نص نخبوي أبياته فارهه بالجزاله
لك كل الشكر على هذا الحضور المبهج

ولك جزيل التحايا
أخوك غريب
أبو ولايــــف

ابيات تقدح شرار

كفو يالسحيمي وصح لسانك

في زمنا عرفنـا .. وش يفيـد الريـال
كـم يعلـى سفيـهٍ بالمراجـل قليـل
:
:

نص تدفعه اسبابه التي لم تأتي حشواً وتمويهاً ياناصر ... صح الله لسانك ودام تواصلك المتزن