المعــــــلقــــه

الســـلام عليكم جميعاً


.

.

.



سبحـــان من نـــزل تبــــارك والأنفـــــال

ربٍ عبـــــاده لا دعــــت مــاخــذلّــها



رفـــع سمـــاه وثبـــت الأرض بجبــــــال

والأرض رمــز شمــــوخها من جبــــلّها



فـردٍ صمــــد تخضــــع له الهـــامه إجــــلال

والأرض مـــن غـــر المــــزون يغســــلّـها



أخــذت لي من دلـــة الكيـف فنجـــــــال

دلـــة شــرف محــــدٍ يـــدور بــدلّــها



فنجــــالٍ أشقـــر ريحتـــه تشــــرح البـــــال

من دلــــةٍ بـــن اليمــــاني عســــلّـها


وغنيـــت لي مــوال وألغيــــت مــــوال

ســـاعة تمــزهلت الهجـــــوس وزهــلّـــها


الطيــــب ماينبـــاع بجنيـــــه وريــــال

الطيـــــب غــاية سعــد منهــو وصــــلّـــها


والرجـــل تثبتـــــه المواقف والأفعــــال

كـــــلٍ علي مــــرجع فعــــولٍ فعـــــلّـها


تقــــوله العربـــان قبــــلي بالأمثــــال

مـــال الأمـــــانة غيــر كــــفٍ حمــــلّــها


ولا كــــــل رجـــالٍ يعـــوض برجـــــال

بعـــض الرجـــال مضيـّـع الله عمـــــلّـها


الرجـــل . مــايضرب بدلـــوه علي الجــــــال

وأن جــــاته العـــوجا بحكـــــمه عــدلّــها


دنيـــاك دنيــا بيـن رجـــلي وخيـــــــــال

وأهــــل الخــــجل دمارهــا من خـجــلّـها


وش قصـــة فالخــــد يا حبـــــة الخــــال ؟؟؟

سبحــــان من قســــمة عبــــاده كــفلّـــها


بـــادت شعــــوب وراحــت أجيـــال وأجيــــال

ياللي تحــــط أجــدادها مع سمــــــلّـها


والنــاس غيــر النـــاس في حـــال وأحــــوال

وأيـامنـــا مانعتــــبر من عجـــلّــها


راحـــت جمـــال إعقيــــــل من غير جمّـــال

ونيـــــاق بقعــــا مــا لقينـــا جمـلّــها ؟؟؟؟


راع التطـــور حط لــه بشـــت وأعقــــــال

وأرهي علي كــــل العلــــوم وعقــــلّــها


ياصـــــاحبي والهـــــرج دره ومثقـــــال

مايــــذبح الأرنـــب ســوئ من ختــــلّــها


امــا تعيــــل وتنطـــــح لكـــــل عيـّـــال

وألا تجيــــــلك عيـــــــلةٍ وأحتمــــلّـها


وأذا بنينــــا في مرافــــــقك الآمــــــــال

لاتصبـــــح خــــــلال العيــــــــون وخـــللّــها


للحبـــــل عقــــاده وللــعقــــد حـــــلاّل

الي مــتي حــط المعـــــالم وشــــلّـــها


والبحــر مـــوج وللشجـــر فـّــى وأظــــــلال

واللي نقـــلها في جيــــوبه نقـــــــلّــها


وللعـــز مدهــــــالٍ وللجــــود مدهــــــال

والفعـــل طــــاول للمعـــــالي وطــــــلّـها


جــزم وعــزم وأحتـــال مع كــــل حيـــّـال

واليــا بـــدت لك كلمـــــة الطيـــب قـــــلّــها


الرجــــل مايصبــــر علي الغبـــــن لو طــــال

تحــــده ســلومٍ من أهــــله نهــــــلّـها


من يتــــعب أقــدامـه علي القــــيل والقــــال

لابـــد تلحـــــقه العلـــــوم إن جهـــــلّــها


ماتفـــــلح الحنكـــــات مع كـــل حبــــال

يطـــــيح فالحبـــــلات رجـــلٍ حبـــــلّــها


ياكثــر مافي وقتـــنا أجنـــــاس وأشكــــــال

وأهــل الخمـــــل لابــــد يكشــــــف خمـــــلّــها


شــوفت عيـــونك عـــالمٍ كــــــله أقــــــوال

أثـــــر المهبـــل طبعهــــا من هبـــــلّـها


دجــــال يضحــــك له علي عقــــل دجـــــــال

تضحــــك ورب الخــــلق يبــــطـل دجــــــلّــها


ياصـــاحبي والكــــــلمة اللي علي البـــــال



العـــــــز


باللـّـــــه



والمـواقــف




لهــــــلّـها

هذه قصيده فيها من الدرر التي لااحصي لها عدد رغم ماتحمله من غضب و و و و ولكنها ذات جمال لآيوصف صح السانك ياسهيل ولك

اجمل التحايا




اخوك / حسن علي المسعودي

يـــــــــــــاسهيـــــــــل الشعـــــــر


ياسعد والله العظيم انك مبدع وشاعر له مكانته

ماشاء الله

فعلاً معلقه

سعدت كثيراً بها ووقف كثيراً اتأملها ورحلت معها وتوقفت لاصفق لك علي هذا الابداع


هذه القصيدة من اجزل واروع واجمل ما قرأت في منتدي النداوي



لله درك ياسعد

وصــــــــــح الســـــــــانك

السلام عليكم

والنعم الشاعر الجزل الذي له بصمه خاصه لايقواها الا الجزاله

اشهد بالله انك قصدت يابو براك اهنيك على هذا الشموخ وهذه القصيده الممتازه

لاهنت لاهنت والله

صح السانك

اررررررررحب ياسعد ...


سهيل شاعر مبدع في كل حلالاته انكانه زعلان ابدع وان كانه فرحان ابدع ..


بيض الله وجهك على هذه الدره الثمينه والقصيده الجزله ...


صح لسااااااااانك وسلمت يمناك ...


اخوك /// ابو مهدي

الرجـــل . مــايضرب بدلـــوه علي الجــــــال

وأن جــــاته العـــوجا بحكـــــمه عــدلّــها


دنيـــاك دنيــا بيـن رجـــلي وخيـــــــــال

وأهــــل الخــــجل دمارهــا من خـجــلّـها




سهــيل اليماني في زين المعاني


صح السانك


قصيده لاتحتاج الا ان نصفق لشاعرها المبدع سهيل


تقبل تحياتي

ابو براك ياسلام علي هالدره الثمينه والقصيدة الجزله والله انها قصيدة فيها من الجمال مادعاني لطبعهاوالاحتفاظ بها

شكرا لك على امتاعنا وصح السانك

قصيـده جزله الى ابعد حد


لا تخرج الا من شاعر جزل مثلك وشرواك


صح لسانك والله



وتحياتي لك

الأخ الشاعر سهيل


بيض الله وجهك وسلمت يمناك على هذه المعلقه



تقبل اعجابي وتحياتي وسجلني من متابعيك

السلام عليكم



سهيل النجم الساطع في سماء الشعر




شاعر غني عن التعريف وغني عن شهادتي




مبدع وطيّب وصليب رأي



اشهد بالله يالقصيده هذي انها معلقّه



صح الله السانك ولاهنت





تقبل تحياتي واعجابي




اخوك / فالح بن قشعم

مرحبا ومسهلا يا حسن

لاهنت يا ابو علي على مرورك الذى اسعدني وصح بدنك يا المسعودي

تقبل التقدير

هلا يا ابو ناصر

لاهنت يالقرم شهادة اعتز فيها من شاعر بحجمك
تواجد واشادتك بي مبعث فخر لى ووسام اعتز به

لاهنت وصح بدنك

وتقبل التقدير

محمد بن هضيبان

مرحبا والله يا ابو سلطان

ماعليك زود يالقرم

افتخر باشادتك واعتز بها لا خلا ولا عدم يالقرم

تقبل التقدير

حكيم الجامعه

هلا وغلا يا ابو مهدي

شكراً لك علي التواصل والاشاده التي افخر بها من رجل مثلك يا ابو مهدي

تقبل التقدير يالقرم ولاهنت

مجعد بن متعب

مرحبا والله بمجعد هلا وغلا يا ابو متعب

تشريفك ومروك علي قصيدتي مبعث فخر لى واعتزاز لاهنت يالقرم


تقبل التقدير