بــحـــــر الـــغـــــــرام

السلام عليكم ورحمة الله وبركاته

[poem=font=",7,deeppink,normal,normal" bkcolor="silver" bkimage="" border="none,4," type=2 line=1 align=center use=ex num="0,black""]

عاشق فكر والحرف راقت معانيـه=عرفت نظم الشعر لـو ما درستـه
ماهوب ورث أجدود لكن هاويه=وتاج الفخر بإحساس شعري لبسته
يلي صدفتك في طريقٍ مشيتيه=مشى معك هاجوسي ألي هجسته
والهمتي الفكر أعذب الشعر ياهيه=وبأجمل حروف الضاد شعري بجسته
ولأمن عشقـت العشـق والله مخفيـه=والصعب وأنا معك ماهتم دسته
هايم وفي نظرت عيونك أمانيه=وبحر الغرام بكل عزمي غطسته
وقارب نجاتي وسط وصدرك موانيه =وجمال غيرك في عيوني بخسته
ماهو تجني مير أنا زاهدٍ فيه=ومكان غيرك في خفوقي رمسته
وفرشت لك بين الضلوع ومحانيه=وكيف الغلا ماحرقه لأمن حمسته
أمده ألك بشوق وأنتي تقهويه=وأفرح بحبي يوم بذنك همسته
الروح فدوة رمشك وقلبك افديه=وشرار عشقي من عيونك قبسته
أبا ترك الماضي وابنسى طواريه =وكف الرضى في حاضري معك بسته
وقليب عمري جم تـروي سوانيـه=حبل الرشاء بالعمر وان طال قسته
وعلى محال القلب بالصدر طاويه=بإحساس من قلبي بجوفك غرستـه
من عذب روحك باختيارك سقيتيه=وعن العواصف في خفوقي حرسته
وإثمار هاك الغرس بيديني اجنيه=وان طالت المده وشوقي حبسته
عندي امل في بكره وشمعي اضويه=والياس نوره في حياتي طمسته
في غيبتك ياكثر من قال وش فيه=والغيم بيدي لا حضرتي لمسته
ولسمع لقول أهل العذل والمشاريه=و العذر لاغبتي لك أنا ألتمسته [/poem]

طيب طيب يانمر
جمال اخاذ في هذا البوح العذب ايها العاشق العذب
صح قلبك

صح لسانك يانمر


لاتستغرب منك الجزاله والابداع

حاولت أن اقرأ القصيدة لكن ما فتحت ابدأ

أرجو من الأدارة محاولة نسخها بدون صورة

جزيل الشكر لكم

اختكم ضحى

صح لسانك نمر

ولاهنت على هـ العذبه

تقديري’,,

عاشق فكر والعنوان المناسب الأقوى فالكون بدأ بفكرة ...

متماسكة متسلسلة ايفاع جميل وصور شعرية تحمل الكثير من الجمال حبل الرشاء بالعمر وان طال قسته....

عندي امل في بكره وشمعي اضويه=والياس نوره في حياتي طمسته.....الضوء والنور والطمس.

و العذر لاغبتي لك أنا ألتمسته...والصور الشعرية تخدم النص الشعري جيداً هنا


اتساق في النغم مع تماثل في الأنسجام والتأثير الموسيقي في أذن السامع...

تقبل مروري اختك ضحى المل

مودتي...

صح لسانك يانمر

ابداع لايستغرب من شرواك

صح لسانك ولاهنت