لبى عيونـــه

[poem=font="Simplified Arabic,4,#FCFCEB,bold,normal" bkcolor="#050500" bkimage="" border="none,4,#400000" type=2 line=1 align=center use=sp num="0,#400000"]
ياوجودي كل ماهبت عليّ النودي=سقت رجلي في سباريت الخلآ وأربعها
ياهجوسي هجرسي ماعاد به مردودي=نيتي لا سقت رجلي خابر ٍ مطمعها
سقتها في لغف عرق ٍ ماوطاه الذودي=ماوطاه اللي يدور ناقة ٍ ضيعها
الهبوب الباردة ماتطفي الملهودي=غير عين ٍ طاولتني حاجر ٍ مدمعها
صيحتي صيحة غرير ٍ في المهد مالودي=صيحته في نجد واللي في العلآ يسمعها
ياوجودي كل ماشفت العيون السودي=تحت ظل إرموشها والله لا يقطعها
عين حر ٍ في مضاهير القنص مهدودي=صيدته لا شافها من مخلبه مشبعها
أبشروا ياأهل الطيور النادرة بالفودي=أبشروا طاح العشاء مابطآ وهو يتبعها
نادر ٍ ماجابه الا نايف إبن سعودي=ذايرات الصيد عقبه خالفت مرتعها
يالطيف الحسن مدري يانعيم العودي=وياخطاوي مهرة ٍ رؤس العداء ترثعها
يومها بالمرهفات وشوبه البارودي=يعتزي خيالها والعايلة يردعها
نورها نور القمر ولا عليها زودي=وضحكة ٍ فيها الحلآ والله ماتصنعها
بوّرد الموت الحمر من دونها مارودي=لو تضايق علمتني وأشرت بأصبعها
والله إني دونها بالجود والماجودي=بالثلآث الحارمة لو قلت لي بايعها [/poem]


وسلامتكم

اررررررررحب ياعلي



وصح لسانك يالقرم



قصيدة شاعر مبدع ومتمكن



لك تقديري

علي صح لسانك لاهنت

صح الله السااااااانك وانا اخوووك

يالطيف الحسن مدري يانعيم العودي
وياخطاوي مهرة ٍ رؤس العداء ترثعها

:


صح لسانك ... اتقنت هذا البحر وهذا دليل تمكنك

اررررحب يابو ناصر وصح الله السانك على القصيده الجزله

شاعر متمكن ولا يستغرب عليك يالقرم

تقديري

[align=center]

اررررررررحب ياعلي



وصح لسانك يالقرم



قصيدة شاعر مبدع ومتمكن



لك تقديري

صح بدنك ياهادي

والتميز في اطرائك يابن عسكر


مرحبا ومسهلا بحضورك

دمت[/align]

علي صح لسانك لاهنت

صح بدنك ومرحبابك

على بن مهران اخي القدير

لله درك على هذا النص

والذي جاوزت به حدود الابداع بحر وقافية ومضمون


مبدع يا علي مبدع

علي


ارحب




صح لسانك عدد حروفها واكثر


لاهنت


تحياتي