مصافحة أولى _ الــشــعــر

[align=center]السلام عليكم ورحمة الله وبركاته

أسعد الله مساء -جميع أعضاء هذا الصرح الشامخ- بكل خير وطيب

أتشرف بإنضمامي لكم .. وهذه أول مصافحاتي

- الشعر -[/align]
[poem=font="Simplified Arabic,5,#B32A11,normal,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]

مابين ابو رمـــشٍ على الخــــــــــــد خــــــادر=وشهب الوجـيه اللي تقل تطلبك دين
يلعـب بي الهاجـــــــــــــس ولا زلـت صــابر=حتـى تصــــــــــير العـــين في خاطري غين
(شاعر).. ولكن عندي الفكــــر (شــاغر)=أســرح مـــــع الهوجــاس.. ولا أسئله وين
لكن ترى ماسهـــــــــــــــرت بيض المـحــاجر=إلا بفــــكـــر يشــــــــــــبه لجـــــــيـــش حـطين
الشـــــــعــر يصــــبح بعض الأحيان فاجر=ينســـــــج بعقلك من هجــوس المجانين
الشـــعر يدني بك لبعــض المخـــــــــــاطر=وأحـــــــيان يدني بك لعرش السلاطين
وانا لــــو إني مـــــا أحــــبــس الخــــــواطـــــر=يمــــــــــوج بي فكـــري على الزين والشين
انا ولــــــــــد آدم ... ولــي نـــد كـــافـــــــــــــــر=كــــيده بدمـــي جــــــــــــــــاري ٍ بالشـرايين
حــلــف لـيـغـوينــي لــــــــــــو إنــي مــكـــابـــــر=مـــــادامنـــي أجــــــوف ومخلوق من طين
إما أصـــــــــــير لـــرب الألـــبــاب شــــــــــاكر=وإلا أبلــــيـــس .. ببعض الأفــكـار يغوين
فياللــي تـمـنــى إنـك تصـــــــير.. شــــاعر=الشـــــــعــر ســيفٍ لــــه نصـــــــــــابٍ وحدين
إن كـــــــــــان مـاعـندك من الـعـقل زاجر=تراك تلــعــب فـي حــــدود السـكــاكـــــين
تاجـــــــــــــــر بلا مــــيزان مـــاهـــــــــــو بتاجر=والشاعــــــــر الناجـــح.. بعـــقله مـــــيازين
إمـــــــا تـبـــــــوح بـطــــــــيــــبــات الــــــــنـــــــوادر=وإلا ترا بالصـــــــــمــت عـــــــــبره وتـمــكــين
إما قصـــــــــــــيدٍ به تطـــيب الـمـــحــــــــــابر =وإلا إترك الحـــــــــــبر لهل العـلم والدين
إمـــــــا قصــــــــــــيدٍ يســتـــحـــق الـمـــــــــنابر=وإلا نخــــــــــليها لــــوعـــــــظ الـمــصــــــــلين
الفـــــــــرق مـــــــــاهو بالجــــمر والـمـــباخر=الفــــرق.. جـــود العــــــود يأهل الدياوين
خـــــــــل الـمـظــاهـــر وإلـتـفــت للمــــخابر=ومن جـــــــمّع الثنـتين زين علــــــــــــى زين
بالحــــــــق بادر .. وبالخـــــــــــــــطأ لا تـبادر=الصــــمـــت فـــــــــن و يتـقــــنونه قلــــــــيلين
الصــــــــــادر إحــــــــذر لا يفـــــوق الـمصادر=الله عـطـــــاك لـســــــــــان وعـيـون وإذنين
راقــب زمـــــــانك بين ماضــــــي وحــاضر=يعطــــيك درســـــــــه بين عــــــبره وتلقين
وأنا مـــــــــع الآيـــات .. والكــــــــــون ساهــــر=إبداع خـلـق .. وعـفــو رب .. وقــــــــــــوانين
الأرض يسـقـــــيها مــــــــــن الله مــــــــاطـــــر=يامـــــــــا تصــــــــير الارض مثل الـبـساتين
وإن غـــــــاب مــــاهــــا يصــــبح الكون غابر=تجــف الارض ويصــــــــبح الخلق وجلين
يبون غــــــــــــــــوث اللي على الغــــــوث قادر=مـــن لامـهــم.. لأسـتـســــــقوا الله ذليلين
يدعــــــــــــــون يامـــــنزل تـبارك وغـــــــــافــــر=أســـــــــق الـبــــلاد .. أســـق الـعــباد المقلين
جـــفاف الأرض .. لطـــالب الغـوث عاذر =والــــــذل لله رفـــــــــــعـــــــــــةٍ بالـمـــــــــــــوازين
مـــــــــــار الـــــبلا لاصار لك نصف هاجِر=هـــــــذا الجــــــــفاف اللـــي يذل العزيزين
مــابين أبو رمــــــــــش علــى الخـــــــد خادر=وشـهـب الـوجيه.. وجـــمـــلةٍ بين قـوسين
(جـفاف الارض ولا جـــفــــاف الـمشاعر =لو تسـتـغـيث لـخاطـرك صرت مسكين)[/poem]

[align=center]مع حبي وتقديري
فالح الناهي[/align]

ارحب يافالح
وحياك الله فالنداوي
مصافحة جميله الله يجمل حالك
صح لسانك وطاب بيانك

أخوي فالح الناهي

ارحب تراحيب المطر والله يحييك

صح لسانك واعتلا شانك

تقبل احترامي وتقديري

الشعر يدني بـك لبعـض المخاطـر
وأحيان يدني بك لعـرش السلاطيـن
وانا لو إني مـا أحبـس الخواطـر
يموج بي فكري على الزين والشيـن

:
إمـا تـبـوح بطيـبـات الـنـوادر
وإلا ترا بالصمـت عبـره وتمكيـن

مرحبابك يافالح بــ ِ عدد حبات الرمال وصخور الجبال ... العيون لك مداخل والصدور لك مجالس ..
صح لسانك على النص الجميل والدال على ثراء عطائك وفكرك المتزن

هلا وغلا يافااااالح

والله يحييك بين اخوانك

وصح الله السانك على هاذي الدره

أخوي فالح الناهي
قصيدة شاعر متمكن
وافيه من شاعر جزل

تحياتي

ارحب يافالح وصح لسانك


أسعدنا حضورك طال عمرك

نشكرك على هذه الهديه القيمه