بلقيس ..

[align=center]محمد المتعب[/align]

[poem=font="Traditional Arabic,5,#FF3600,bold,normal" bkcolor="" bkimage="" border="solid,1,#400000" type=2 line=1 align=center use=sp num="0,#400000"]
الليله الدعوى طرب والا نشـب والا هجـوس=ماادري ولكـن شبهـا يابـن الحمولـه شبَهـا

حط الحطب وسط اللهب واجلب لنا بن محموس=واليـا بديـت الهيجنـه خلنـي وانـا باصبَهـا

يالقير من عقب المطر ماجبت لي علم العسوس=تعال اباعطيك الخبـر عـن المـزون وصَبهـا

اقعد على جال الجمر باعلمك بعض الـدروس=وعلومك اللي بخاطـرك عجـل علـي وكبَهـا

كليب لو طاع العقل مايذبـح حـوار البسـوس=بعض الكبايـر يافتـى ياصغـر بـذرة حبَهـا

بلقيس شاخت باليمن واستحكمت روسِِ ٍ وروس=يمشي عليهم رايهـا ماهـوب شـرط ٍِ حبَهـا

سوق الذهب مايدخلـه الا الرهـاوي بالفلـوس=ومن كانت ايده خاليه وسـط المخابـي يظبَهـا

ومن كان سيفه من خشب لايفزع بيوم ِعبـوس=خايف عليه من الجروح اللي صعيبـب ٍٍِطبَهـا

وانت السنافي والعرب تعرف عزيزين النفوس=ساسك عريب ومعدنك من صلب نـاس نحبَهـا

الليل روًح يافتـى واناتلاعـب بـي الهجـوس=خل الحطب قرب اللهب وارحل وانـا باشبًها[/poem]
[align=center]ردي على القصيده [/align]
[poem=font="Traditional Arabic,5,#080800,bold,normal" bkcolor="" bkimage="" border="solid,1,#400000" type=2 line=1 align=center use=sp num="0,#400000"]
ياليل ياليل الطرب والناي من نايات جوس=لكن لاشبيت نار الحرب لاتنشبّها

الليل روّح دوس يالمتعب على الطاورق دوس=اليا قريت الهيجنه فاحرص عليّ وغبّّها

عطيتني صوره وهذي صورتي بين العكوس=عبّ المخازن والمحازم بالفشايق عبّها
ذكرتني في غزوةٍ بين الروافض والمجوس=الله يعديها على خير ونلاقي طبّها

الحرب ماترحم هلايمها ولا فيه امحروس=نب العرب للموقف الغصاب ولاّ كبّها

السوق غالي و الذهب محيوس والسوق محيوس=والعد ضامي والعطش ما عاد يروي جبّها

بلقيس شاخت يوم بعض الروس ماتقدر تروس=تسوق عطران الشوارب بالخلا وتنبّها

لا والله الاّ! بالعصا وتسوقهم سوق التيوس=بلقيس تقدح شورها لا جابته من عبّها

لاعادت العشره ليا جتني تظرّس بالظروس=اهون علي احبّها وأصعب علي آسبّها

هذاي مضامين الكلام وزبدته فوق الطروس=واليا زعلتوا من حقيقتها رضاكم لبّها[/poem]

لاهنتوا لاهنتوا


البدع وافي والرد وافي وكلكم وافين ونشاما صحة ألسنتكم ملايين


تحياتي ياسعيد

ياسلام على الشعر واهله

صح السانك والسان المتعب

صوت وصدى رائعان

لك تحياتي

احوي سعيد القير

صح لسانك ولسان المتعب

صوت وصدى ولا اروع

تقبل احترامي وتقديري

تناقشتوا بالشعر الجزل
صح لسانك ياسمي ولسان المتعب

[align=center]

لاهنتوا لاهنتوا


البدع وافي والرد وافي وكلكم وافين ونشاما صحة ألسنتكم ملايين


تحياتي ياسعيد

رفع الله قدرك وشأنك
صح قلبك وبدنك[/align]

صح السانك اخوي الغااالي سعيد والسان امحمد المتعب

صوت وصدى على مستوى عااالي

صحت السنتكم ,,
صوت وصدى ياسعيديستاهل الحفظ وألقاه في كل مجلس من جزالت الشعر الذي تداولتوه ,,
بيض الله وجيهكم وشهادتي فيك وفي المتعب انها اعجاب وجزالتكم تشهد لكم,,
تقبل مروري المتواضع’’