هنيت من هو خلي البال واللي قلبه مريح \مصافحه أولى

هنيت من هو خلي البال واللي قلبه مريح
::::::::::::::::::::::الخالي البال في دنياه من دنيا الغواني
ما ذاق طعم الغلا مرة ولاخاواه تجريح
:::::::::::::::::::::::::ولاراقب الجدي بعيونه ولاسهيل اليماني
ولامسه الوقت بهمومه ولا شاحه مشاويح
::::::::::::::::::::::::;ينام ليله قرير العين خالي ما يعاني
ماهو مثل حالتي من فعل مربوع المماليح
:::::::::::::::::::::::::::اللي طواني بحبه لين زلزل لي كياني
لامن تثنا مثل نبنوب وسماداعب الريح
:::::::::::::::::::::::::::وليا تهصر تقول انه مطارق خيزراني
وليا تكلم شذا زهر الربيع البكر والشيح
::::::::::::::::::::::ويسرف شذا الورد وتهمهم حقول الزعفراني
وتومي معاليق قلبي له غلا مثل المراجيح
::::::::::::::::::::::::::وأمدله من بيوت الشعر جزلات المعاني
واشيل حبه بقلبي والغلا بالقلب ما يطيح
:::::::::::::::::::::::::واشيل حمله لو انه يازماني كبر اباني
اخواني النداوية اعيد لكم هذه القصيدة بعد التعديل لوقوعي في خطا في احد البيوت وانا شاكر ومقدر للشاعر المسعودي لتنبيهه لي بذلك[تم تعديل الموضوع من قبل صالح الرشيدي بتاريخ 12-27-2001 الساعة 01:09 PM]

الاخ صالح الرشيدي


هلا وغلا الله يحييك بين ربعك وخوانك النداويه


مصافحه اولى طيبه


نتمنى لك التوفيق والنجاح


تقبل تحياتي

الاخ صالح الرشيدي
السلام عليكم 00 الله يحييك في هذا الكوكب المشرق

والنخبه الطيبه000

صح السانك ولاهنت يالقرم على القصيده

الاخ صالح الرشيدي


مرحبا الف

الله يحييك وخطوة مباركة ولاهنت على هذه المشاركة


وتقبل اجمل تحياتي وتقديري


اخوك ابن ذويب

ياهلا وغلا بخوي صالح


بين ربعك النداويه


اخوك حسن الوطري

هلا والله .... وغلا ..
الله يحييك.. عدد مواطيك.. وعدد ما خط القلم في المكاتيب..
..
..
..
هلا والله بالرشيدي...
..
..
..
وصح لسانك ... على القصيده الجميله والرائعه ..
..
..
..
وبيض الله وجهك ... ولاهنت يالقرم ..
وسامحنا على القصووووور.

الاخوة مجعد متعب ومحمد هضيبان والوطري شكرا لكم جميعا ولتمنى ان اكون عند حسن ضنكم بي

الاخ عبد الناصر وابن ذويب الله لايهنكم وشكرا لترحيبكم بي

اهلفا هلا..ومسهلااااااات كثار..
,,
ووقلوبنا تصافحك..قبل ايادينا...
...





....
تقبل مني صادق الود واعذبه

الاخت مزعلة النسا انا اللي شاكر ومقدر لك هذا الترحيب
ولعل وعسى ان اكون عند حسن ضن الجميع

الاخ العزيز/ صالح الرشيدي


صح السانك يالقرم

واهلا بك انت بين اخوانك النداويه



تحياتي لك واتمنى لك التوفيق


اخوك

اخوي وقاد شاكر ومقدر لك والله لايحرمنا من توجيهك وتعليقك العذب

اخوي صالح الرشيدي انت شاعر ارى في بيوت قصيدتك القوه والجزاله ولكن ارى ان هناك شطر بيت من القصيده اطول من بحرها

الآوهو الشطر اللي فيه الثالث الشيح هذا ومصافحتك تبشر بقدوم شاعر ذرب الله يحييك بين ربعك واخوانك


اخوك / حسن علي المسعودي[تم تعديل الموضوع من قبل المسعودي بتاريخ 10-12-2001 الساعة 09:46 PM]

الاخ المسعودي شاكر لك تعليقك والبيت اللي تقول انه اطول من بحرها البحر اعتقد اني ما طلعت عنه لكن فعلا البيت طويل المفردات لكن لم يخل لا بالوزن ولا بالبحر واعيد واقول انني شاكر ومقدر لك والله لايحرمنا من تعليقك [تم تعديل الموضوع من قبل صالح الرشيدي بتاريخ 10-13-2001 الساعة 10:35 AM]

الاخ المسعودي لقد انتبهت للحطأ فشكرا لك اخوي لان وبكل صدق كتبت القصيدة لم اراجعها