سوق الغث وسوق السمين

السلام عليكم ورحمة الله وبركاته

أسعد الله جميع اوقاتكم ...

هذه ابيات شبه ارتجالية تعبر عن نفسها.... مع أملي ان تلاقي الاستحسان والقبول.


[poem=font="Simplified Arabic,4,#000000,bold,normal" bkcolor="" bkimage="" border="none,4,#400000" type=1 line=0 align=center use=ex num="0,#400000"]
لازاد سوق الغثّ ياسوق السمين = لاتعلن افلاسك وانا عندك زبون

يمكن يعود الوقت وتدور السنين = واللي غدو هاك الزمان يعوّدون

وإن زعلك هرج الدلوخ الضايعين = اضحك بسن السخرية لوك مغبون

لا تفرح المسترزقه والشامتين = اللي على السذّج بغيرك يلعبون

تبغى تغيّر في النظام بكلمتين = وتسمم الاذواق وتغش العيون

لو شوّهوا صورتك بالفكر الهجين = بكره تخيب ابها الهقاوي والظنون

من جعجعتهم ما انطحن غير الطحين = اللي على الريحه يجون ويرجعون

ذولاك نقصٍ من حساب العالمين = ما كنهم بأحياء لو ما يٌذكرون

على البهارج من يسار ومن يمين = تضوي.. وتجذبها المغازف واللحون

وانا ما دامي عايش وجنبي متين = لأموّلك بالكاش واشتال الديون

إلين ما نقضي على المستشعرين = اللي دبلوا كبد الاناسي والجنون[/poem]


وسلامتكم جميع

مايصح الا الصحيح
صح لسانك وطاب بيانك ياصالح

صالح

صح السانك ولاهنت

قصيده رائعه ومعبره وهادفه

لك تحياتي

صالح الله يكون فالعون


صح لسانك على القصيدة الجزله

ارررررررحب ياصالح



وصح لسانك يالقرم



قصيدة طيبه من طيب



تقبل تقديري

صح السانك ولاهنت

قصيده رائعه بكل مااافيهاااا