Tweet
[align=center]قصيدة اسندها لي الشاعر/فهد بن شعلان الأكلبي
[poem=font="arial,7,#000000,normal,normal" bkcolor="" bkimage="" border="none,4,#400000" type=2 line=1 align=center use=ex num="0,#400000"]
يابو مقبل ويش رايك تصيف في الشمال= لو مغير اسبوع تقضيه في الجو اللطيف
طيعنا لو كان مره لياقلنا تعال= ياتقول افضل مصيف او تقول امحق مصيف
وكان قلت امحق على الشام شدينا الرحال= في ربوع بلاد بشار وبلاد الشريف
بين خضرة لرض والغيم ووجيه الجمال= وحمرار الجمر في لمعة السيف الرهيف
شوف نور الشمس وغصون لشجار الطوال=ينفلق صبح نسف ظلمة الليل المخيف
عيش في حضن الحقيقه عقب وصف الخيال= وحذف همومك تحت ماطر المزن الخفيف
انس نفسك في حدود التمتع بالحلال= وعتبرها فرصة الضيف بديار المضيف
لاتسوي لي عقل تتهمني بالهبال=لاتفوتك نعمة العيش في الغصن النحيف
ماورانا الاَ الشقا والبداوه والخبال= تحترينا عجة القيض والجو النظيف؟
وجهي اخشوشن من البر وشعاف الجبال= وراح نصف اوراق عمري مع اوراق الخريف
عايشين بقسوة الوقت في غياب الدلال = ماعرفنا لاحضاره ولا ذكرى وليف
ليش حنا هكذا قالوا سواة الرجال = والعرب مصيافها في دبي وفي جنيف
يابري حالي وعزي لبو مقبل لازال = يتبع نياقه في بيشه ومره في عفيف
ليتني وياك مثل الوليد ابن طلال = نكفل آلاف اليتامى ونتبنى الضعيف
لعنبوها عيشة البخل ماتسوى ريال= من رغيف العيش ماجالنا كسرة رغيف
والنهاية خوتك يابو مقبل راس مال = ياراع الطيب الوراثي وبو هرج طريف[/poem]
وهذا ردّي على الشاعر الغالي/فهد بن شعلان
[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
راكب اللي تسْبق الصوت وتْطوف الظلال=من قنا مِنْها ثلاثين ما دوّر حليف
لا خذت توجيهها واسْتعَدْت للقتال=مِنْوة اللي يفْرُك ايّديه من جور الحفيف
من سِطَرْ طيّارها كنّ في راسه خبال=ومن سِطَرْها ما تبي غير ابو عقلٍ خفيف
بينها وايّاه عشْره مثل بنت الرْجال=وبينه وما بينها خوة الرْجل الشريف
كم دخَل فيها المعارك وهو ماهوب ذال=لا نهَمْها شبّت النار فاليوم الكليف
لا وقَف قُدْم المنصّه وقالوا عال عال=واسْتَلَم خطة هدَفْها من البرج المنيف
تلّها فوق المدرّج وشب الاشتعال=في قفا النفّاث تسْمع لواهِجْها وحِيف
قامت تْشق السما كنّها راس الخْلال=لين تكْسر حاجز الصوت بالراس النحيف
كن ضوّ مْحَرْكات اللهب فوق الجبال=شَبّة ضْوي المزارع على وقت الصْريف
وكن زَمْجِرْة المواطير في روس الطْوال=زمْجَرَة صوت الرْعَد لا اقبل النوْ الكثيف
اتجاه البوصلَه والمهمّه للشمال=علْمها غانم وتلْفي على رجلٍ حصيف
شاعرٍ لا جت بيوته نقوّم الاحتفال=ونْتحَزّم بالحزام الاساسي والرْديف
لان ماعنده طويل الْعُمُر غير الجْزال=ما يعَيّن في قصيدِه ولا بيتٍ ضعيف
يافهد شعلان يوم السْفَر جاله مجال=فانت زيزوم المهمّه وانا جنّبك عريف
دامها مصْياف بين والروابي والتْلال=والمطر والغيم والزين والجو التحيف
وجّه شراع السفينه وتوجيهك عدال=دام شَفْرَة يرْمجَتْها من القلب الصخيف
وان بغيت نحوّل شوي صوب البرتغال=يومها خرْبت ونط الكفَر فوق الرْصيف
دهْنة السمْن الفلندي وقشْر البرتقال=والدقيق البرتغالي وفرن المكرويف
خل ضوٍ تدّهِر والحطب فيها جْلال=خبْزها يابس وهَضْمِه على المعْدَه عنيف
الصبر ياصاحبي بيّح كبود الجْمال=والجمل لاشافني قال ميدي يالطيف
لامتى والعسْكري في تحمِّل واحْتمال=ما معه حظٍ يفيده ولا حالٍ مْريف
وان طلب حريّته فالسفر كثْر الجدال=في قوانين التعَسّف وفي راسٍ عسيف
والسلام ختام والعفو من رب الجلال=والثنا للي هدانا على الدْين الحنيف
[/poem][/align]
[poem=font="arial,7,#000000,normal,normal" bkcolor="" bkimage="" border="none,4,#400000" type=2 line=1 align=center use=ex num="0,#400000"]
يابو مقبل ويش رايك تصيف في الشمال= لو مغير اسبوع تقضيه في الجو اللطيف
طيعنا لو كان مره لياقلنا تعال= ياتقول افضل مصيف او تقول امحق مصيف
وكان قلت امحق على الشام شدينا الرحال= في ربوع بلاد بشار وبلاد الشريف
بين خضرة لرض والغيم ووجيه الجمال= وحمرار الجمر في لمعة السيف الرهيف
شوف نور الشمس وغصون لشجار الطوال=ينفلق صبح نسف ظلمة الليل المخيف
عيش في حضن الحقيقه عقب وصف الخيال= وحذف همومك تحت ماطر المزن الخفيف
انس نفسك في حدود التمتع بالحلال= وعتبرها فرصة الضيف بديار المضيف
لاتسوي لي عقل تتهمني بالهبال=لاتفوتك نعمة العيش في الغصن النحيف
ماورانا الاَ الشقا والبداوه والخبال= تحترينا عجة القيض والجو النظيف؟
وجهي اخشوشن من البر وشعاف الجبال= وراح نصف اوراق عمري مع اوراق الخريف
عايشين بقسوة الوقت في غياب الدلال = ماعرفنا لاحضاره ولا ذكرى وليف
ليش حنا هكذا قالوا سواة الرجال = والعرب مصيافها في دبي وفي جنيف
يابري حالي وعزي لبو مقبل لازال = يتبع نياقه في بيشه ومره في عفيف
ليتني وياك مثل الوليد ابن طلال = نكفل آلاف اليتامى ونتبنى الضعيف
لعنبوها عيشة البخل ماتسوى ريال= من رغيف العيش ماجالنا كسرة رغيف
والنهاية خوتك يابو مقبل راس مال = ياراع الطيب الوراثي وبو هرج طريف[/poem]
وهذا ردّي على الشاعر الغالي/فهد بن شعلان
[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
راكب اللي تسْبق الصوت وتْطوف الظلال=من قنا مِنْها ثلاثين ما دوّر حليف
لا خذت توجيهها واسْتعَدْت للقتال=مِنْوة اللي يفْرُك ايّديه من جور الحفيف
من سِطَرْ طيّارها كنّ في راسه خبال=ومن سِطَرْها ما تبي غير ابو عقلٍ خفيف
بينها وايّاه عشْره مثل بنت الرْجال=وبينه وما بينها خوة الرْجل الشريف
كم دخَل فيها المعارك وهو ماهوب ذال=لا نهَمْها شبّت النار فاليوم الكليف
لا وقَف قُدْم المنصّه وقالوا عال عال=واسْتَلَم خطة هدَفْها من البرج المنيف
تلّها فوق المدرّج وشب الاشتعال=في قفا النفّاث تسْمع لواهِجْها وحِيف
قامت تْشق السما كنّها راس الخْلال=لين تكْسر حاجز الصوت بالراس النحيف
كن ضوّ مْحَرْكات اللهب فوق الجبال=شَبّة ضْوي المزارع على وقت الصْريف
وكن زَمْجِرْة المواطير في روس الطْوال=زمْجَرَة صوت الرْعَد لا اقبل النوْ الكثيف
اتجاه البوصلَه والمهمّه للشمال=علْمها غانم وتلْفي على رجلٍ حصيف
شاعرٍ لا جت بيوته نقوّم الاحتفال=ونْتحَزّم بالحزام الاساسي والرْديف
لان ماعنده طويل الْعُمُر غير الجْزال=ما يعَيّن في قصيدِه ولا بيتٍ ضعيف
يافهد شعلان يوم السْفَر جاله مجال=فانت زيزوم المهمّه وانا جنّبك عريف
دامها مصْياف بين والروابي والتْلال=والمطر والغيم والزين والجو التحيف
وجّه شراع السفينه وتوجيهك عدال=دام شَفْرَة يرْمجَتْها من القلب الصخيف
وان بغيت نحوّل شوي صوب البرتغال=يومها خرْبت ونط الكفَر فوق الرْصيف
دهْنة السمْن الفلندي وقشْر البرتقال=والدقيق البرتغالي وفرن المكرويف
خل ضوٍ تدّهِر والحطب فيها جْلال=خبْزها يابس وهَضْمِه على المعْدَه عنيف
الصبر ياصاحبي بيّح كبود الجْمال=والجمل لاشافني قال ميدي يالطيف
لامتى والعسْكري في تحمِّل واحْتمال=ما معه حظٍ يفيده ولا حالٍ مْريف
وان طلب حريّته فالسفر كثْر الجدال=في قوانين التعَسّف وفي راسٍ عسيف
والسلام ختام والعفو من رب الجلال=والثنا للي هدانا على الدْين الحنيف
[/poem][/align]
[/align]
تعليق