@@ مـا لي في ذنبي شـريك @@

[align=center]لا تعليق لما يلي




صلوا على النبي
..................
.............
.........
.....
...
.[/align]









[poem=font="Traditional Arabic,6,#341897,bold,normal" bkcolor="" bkimage="" border="none,4,#400000" type=1 line=0 align=center use=ex num="0,#400000"]

لعنبوا جد القصيد ان كان ما طرى غلاك = و لعنبوا جد الغرام ان كان مو منك و إليك

و لعنبوا جد الحظوظ اللي تعاكسني معاك = و لعنبوا جد الخفوق ان كان ما يصرخ ابيك

اف يا ما كبر خطاي .. اللي ترعرع من خطاك = دربي اللي ما كرهته لا و لا عكر عليك

لهفتي و اشياء واجد .. و الغلا و الحب ذاك = كان عدّيته خطيه .. ما لي في ذنبي شريك

الغرام اللي تسلل في عروقي من عطاك = مزنةٍ اروت حياتي سيلها مصبوب فيك

لي ليالي ما صفت لي ما تبي الا لقاك = و لي خيالٍ ما جمح بي لين سلمته إيديك

و لي حنايا عاتبتني و اسئلتني عن دفاك = ولا لقيت الا غيابك يعتذر عن ما يليك

احترمت الدمع جداً .. يوم ما هل لسواك = سال من محجر عيوني و انسكب حتى يجيك

لو حبسته ضج فيني آه من بعده هلاك = و لو تركته ما تركني لين يشبع ناظريك

بعثرتني لذة الاحلام في وادي حلاك = و احملتني نسمة الاشواق من هاذي لذيك

و احبستني شرهة العقّال من طردي وراك = لكن احساسي تمرد .. ما يبي غيرك مليك

زد وصالك و اتصالك .. حطني داخل حِماك = ضمني بين الحنايا .. ارتويني .. و ارتويك

لو عطيتك ما عطيتك ما يلحّقني جزاك = بس ودي يا حبيبي تعتبرني من ذويك

فدوةٍ لك كل ما لي و العمر كله فداك = باول العمر ابتديبك و آخر العمر انتهيك [/poem]














اجمل التحايا
ناصر السحيمي

بعثرتني لـذة الاحـلام فـي وادي حـلاك
و احملتني نسمة الاشواق من هـاذي لذيـك
و احبستني شرهة العقّال مـن طـردي وراك
لكن احساسي تمرد .. ما يبي غيـرك مليـك

صح الله اللساااانك وانا اخووووك

ناصر

صح السانك ولاهنت


قصيده رائعه من رائع

لك تحياتي

ارحبوا ياناصر






صح الله لسانك






وسلم فكرك وبنانك





ولاهنت






لك تحياتي
ابو احمد

اللهم صلي وسلم على محمد

داااهيـــة شعر ياناصر تبارك الله شاعر تستحق الاشاده حرام بالله

غني عن الشهادة يا ناصر. وحضوري للإستمتاع فقط

وصح لسانك ولاهان شانك وسلم بنانك