فخر السعوديه ..

[poem=font="Simplified Arabic,4,#159F20,bold,normal" bkcolor="" bkimage="" border="none,4,#400000" type=1 line=0 align=center use=ex num="0,#400000"]

سلامتك من كل شر وعذابه = يا فخر ديرتنا اذا احدن طراها
لا باس كفاره واجر ومثابه =ياللي هموم الشعب منه اشتراها
ياغايبٍ نشتاق له في غيابه=جروحنا تنزف ولا احدن براها
تشتاق ارامل ديرتي والغلابه = كل المدن تشتاق له مع قراها
شوق الغريب اللي عناه اغترابه= لحظة رجوعه للبلاد احتراها
من غبت عنا يا عظيم المهابه =والهم في ليل المشاعر سراها
تعال يا نبض الوطن ياسحابه= تعال وامطر ديمتك في ثراها
تعال يكفينا غياب وصبابه = ياشمسنا اللي كلنا في حراها
انت الاصيل ومعدنك ينحكابه=من غبت عين الشعب جافت كراها
عبدالله اسمه لا ذكر ينعزا به = ان قال ابو متعب فعوله نراها
حتى عدوه يرتعد في ثيابه = وافكاره الشينه تراجع وراها
يحكم بشرع الله ويحفظ كتابه=ماهو من اللي باحتيال افتراها
يمشي على هدي النبي والصحابه=كل المعاني الساميات اعتراها
يارب تجعل دعوتي مستجابه= انت العليم وكل حاجه تراها
تحفظ ابو متعب عظيم المهابه =فخر السعوديه اذا احدن طراها[/poem]

ضي الفكر صح لسانك على هالوطنيه الرااائعه
والله يرد ابو متعب لنا بالسلامة عاجلاً,,,

ضي الفكر


صح السانك

قصيده رائعه من رائعه

الله يرد ابو متعب سالم معافا

تقبلي تحياتي

يارب تجعـل دعوتـي مستجابـه
انت العليم وكـل حاجـه تراهـا
تحفظ ابو متعب عظيـم المهابـه
فخر السعوديه اذا احـدن طراهـا
:
:
نص يُضيء بــ ِ شعور الولاء الصادق ..

صح الله لسانك ودام فكرك المتزن ياضي الفكر