جارة الوادي

[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=2 line=1 align=center use=ex num="0,#400000"]

كنتي ؛ وهو الضاحك اللي يشكر ؛ اقـداره=وغبتي ؛ وهو العابس اللي ؛ يشتم بوطره
كانت تأاويل صدره فيـك ؛ محتـارة=مَعاد له فيك مـا تحتملـه ؛ القـدرة
حتى غدا الضيق ؛ يا خذ موضع ازراره = ويدين ياسه ؛ تزرر مبنقة صدره
يشبّ نار العتاب ؛ وصدره اوجاره = لين النفس صار قش ؛ وضيقته جمرة
الوادي اقفر؛ ولا زرتيه يا : جارة = تصفر به الريح ؛ لين احتدّ للصفرة
انحتّ خطل الخضار؛ وعسكر اغباره = ما كنّ يوم نبت ؛ في منقعه خضرة
مَعاد طير الوصل ؛ يشبعه منقاره = وأصبح من الجوع ؛ يبدي رغبة الهجرة
يسرح بجوعه ؛ ويضوي مبطن اضماره = حتى بدا يخاف عشّه ؛ ينقلب قبره
كان الأمل زاملٍ ؛ في صوت بحارة = ساقتهم الريح ؛ لين افضوا على : صخرة
مثل " السمك " ؛ لا علق في طعم سنارة=مجرد إن يسحبوها ؛ ينتهـي عمـره
الله ما أكبر مصابه ؛ فيك يا ( جارة )= حبستي النهر ؛ ماللّي مطلبه : قطرة [/poem]

ابو سالم


صح السانك ولاهنت

قصيده جزله من جزل

لك تحياتي

اررررررررررحب يابوسالم



وصح لسانك وعلاشانك



قصيدة شاعر مبدع وغني عن التعريف



تقبل تقديري

محمد السالم

:

شاعر متمكن وبخبره شعرية تمتد لما قبل هذا الجيل ..
صح لسانك

ابيات لها باع كبير في عالم الابداع


صح لسانك ولا هنت

صح لسانك يابو سالم وعساك سالم وغانم