مجزرة ( ساهر ) القابضة !!!!!!!!!!!!!!!

مجزرة (ساهر) القابضة !!!!




[align=center]حسبي الله على (ساهر) ونعم الوكيل

ما ترك لي في الراتب ريال اذخره

سامني بالعذاب وشال كل الحصيل

ما عطى فرصةٍ لجلي عشان احذره

واختطف لقمة اولادي بعذرٍ هزيل

واتقن الدور والتمثيل والسمسره

طحت في عنبر الجزار (ساهر) نزيل

واصبحت لي عنابر (ساهر) المقبره

صرت في نومي احلم به واعود عليل

واصبح الصبح وآنا مثل جذع اشجره

كل ما لاح برّاق السما والمخيل

فرملت رجلي الموتر وطاح انحره

حط في كل شارع كاميرا بالقليل

قصده ( استار اكاديمي ) بكل اخبره

وإن نويت اخرع اصحابي بشيٍ ثقيل

قلت : (ساهر) !! ، ولا بتشوف غير اغبره

في قواميس (ساهر) لا تجد مستحيل

حتى وإن كنت واقف وقفه مصوره

ربما لك قسيمه وانت ماشي بفيل

وان بغيت اعتراض .. البحر دوك اعبره

وان توانيت في التسديد جالك بديل

دبولها ومثلك جاه كسر اظهره

راتبي راح في تسديد (ساهر) سبيل

واستلف لجل اسدد كل شهر اشهره

بعدها قلت احول راتبي للعميل

عللي ارتاح مالتحويل والمشوره

كن مَدة قسايم (ساهر) ادقال سيل

كل ما صوروا واحد عطوه اعشره

مدةٍ ما هي بمدة غلامٍ بخيل

تجعل الطفل شايب في بياض اشعره

كنت احب السهر واسري بذكرى الخليل

بين لوله وجمرات الشفا وازهره

واعشق البدر واسهر في ضياه الجميل

واسري الليل واناجي سهاد اقمره

لين جا (ساهر) الجزار في وسط ليل

وانتهى عشقي الاول وجاه اقدره

واصبح العيش معْ (ساهر) لنا مستحيل

ما ترك في جيوب الناس حبة ذره

عند مين اشتكي (ساهر) وليلي طويل

بعد ما حط لي في راتبي مجزره[/align]








محمد بن حمدان المالكي

15 / 1 / 1432هـ - الـرياض

عند مين اشتكي (ساهر) وليلي طويل

.......... بعد ما حط لي في راتبي مجزره

اخوي محمد حمدان المالكي

صح لسانك واعتلا شانك

كلام ما بعده كلام

الشعر رساله

وانت دكتور شعر ومرجله

تقبل احترامي وتقديري

وصادتني القصيده مثل صيدة ساهر
هذه الحرفنه والموضوعيه والا فلا
هذا الشعر اللي فيه فايده ويخاطب الحال
لاعجمت يابوحمدان

أخي مهدي
ارحب
وما عليك زود
وافي دوما
لا عدمتك

أخي سعيد
هذا لطف منك ووفاء
لا عدمتك

محمد

صح السانك ولاهنت

قصيده رائعه من رائع

لك تحياتي

الشاعر والاعلامي اللامع محمد حمدان المالكي

قصيده صورت واقع الحال ببناء شعري رصين

صح لسانك مدد

ولله درك على هذه الدره

كل ما لاح برّاق السما والمخيل

فرملت رجلي الموتر وطاح انحره



اررررررررررحب يابوبدر



وصح لسانك يالقرم



قصيدة رائعه وتصوير حي لمخالفة ساهر وتسجيل المخالفه والتسديد



تقبل تقديري

نص مُعبر يامحمد ومن المؤكد أتى من مُعاناة حقيقيه مع ساهر .. ماعليك ان تعود نفسك والتمسك بمتطلبات ساهر

صح لسانك ودام شعرك المُعبر

ابيات واقعية من شاعر متمكن ومبدع


لكن لا تنسى تتبع تعليمات المرور ... وربك يستر