احرجتني ليش

السلام عليكم ورحمة الله وبركاته
بو يتات للتواصل
[poem=font="Simplified Arabic,6,#000000,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
وقفتني يا صاحبي موقف احراج=ما دام مالك خاطر احرجتني ليش
يعني عشان اني لصحبتك محتاج=عذبتني واشقيت روحي عشان ايش
يا ابو ثمانٍ نوضها بالغسق راج=مثل البروق السامرات المراهيش
نظرتك بلسم للمجاريح وعلاج=تشفي عطيب الود شوفتك ويعيش
يا من دفا وصله بحضن العنا داج=لو راح عن حضني دفاك التحف بيش
ياورد عوده للهوى غصب ينعاج=خلا غصونه راهي الماء عشانيش
تاتي كتايب صدك اسراب وافواج=وارسل عليك الود من خاطري جيش
قد كان هملول الصخا منك هداج=واليوم شحت بارضنا لقمة العيش
جرحك لمفتوق الحشى سبب ازعاج=اجرح فديتك بس بشويش بشويش
بنيت لي بأرض الجفا عالي ابراج=قفرٍ منازلها ولابه مطاريش
فكري على دفة سواريك مواج=كنه صغيرٍ غرق في مرحلة طيش
صدر بشريانه صبيب العنا لاج=وصدرٍ دفق نبضه تجاهل وتهميش
لو كان مينا الاحمدي صوب قرطاج=كان التقى وادي تباله مع بيش
كم مرة قلت لك يا تاج يا تاج=ما يسكن المسمار قصر الشواكيش
لو كنت تفرش له حرير وديباج=من بعد شوفه عندكم زول شاويش
قصر يضمك حاكمه شبك وسياج=والمشكله حوله عساكر وتفتيش
ذكراك معبد والهواجيس حجاج=والشوق لوحه والمشاعر مناقيش
يا حمس قلبي حمس بنٍ على صاج=من واحد لا ارمشت له قال مافيش
الوجد للشاعر نظر عين وسراج =لو غاب عن عينه نظرها يرى بيش
يا بدر نوره في دجى الليل وهاج=يضوي سناه ولمعته لأبرق الريش
حبري على بيض الورق صار مكياج=واتلى التلايا يمكن اكتب على خيش[/poem]

يا من دفا وصله بحضـن العنـا داج
لو راح عن حضني دفاك التحف بيش

محمد


صح لسانك قافيه لذيذه ونص عاطفي اكثر من رائع

ياسلام عليك يا محمد

صح السانك ولاهنت

قصيده ماعليها كلام وافيه من راس وافي

لك تحياتي

ارررررررررحب يابوزايد



وصح لسانك وعلاشانك



قصيدة رائعه من شاعر مبدع وقافيه مميزه



لك تقديري

يا من دفا وصله بحضـن العنـا داج
لو راح عن حضني دفاك التحف بيش

محمد


صح لسانك قافيه لذيذه ونص عاطفي اكثر من رائع

ناشر العاطفي
صح بدنك يا غالي ولا هنت
شاكر لك تواجدك لا خلا ولا عدم
تحياتي لك

ياسلام عليك يا محمد

صح السانك ولاهنت

قصيده ماعليها كلام وافيه من راس وافي

لك تحياتي

حسن
الله يسلمك يا غالي
وصح بدنك
شرفني مرورك واطرائك الوافي
لا عدمتك
تحياتي لك

ارررررررررحب يابوزايد



وصح لسانك وعلاشانك



قصيدة رائعه من شاعر مبدع وقافيه مميزه



لك تقديري

ارحب يا ابو مبارك
وصح الله لسانك واعتلا مقدارك
شاعر كبير وحضورك ناموس لا عدمتك
تحياتي لك

صح الله الساااانك وانا اخوك

على هاذي الدرر الرااااائعه