(( غربة )) بعد طول غياب

متواضعه امل ان تشفع لي بعد طول الغياب

[poem=font=",5,indigo,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]

مل قلب(ن) يعجز الطب باسعافة=له شهر وأيام من ضيق في ضيقي

من هجوس (ن) تالي الليل هدافة=إسحنت بالهم عوج المعاليقي

اتحرى وقتها وأعرف أوصافة =(كل ما جاء طارين للمطاليقي)

الرجال الي على الصدق وقافة=صيتهم ما جاء بكذب وتلافيقي

أفتقدهم كل ما رحت في شافة =ما بقا الا رسمهم والمواثيقي

فياوجودي وجد من عينه إخلافه =في خلا(ن) متبرح(ن) للتفافيقي

خبرة تطلبه ما عندهم رافه= يسبرونه لين جات التوافيقي

واقبسوه بلوله وأكدَوا إكتافه=واسحبوه إخلاف سحب المطافيقي

يسمع الي يزهم الحافه الحافه=وطوحوا به من طويل الشواهيقي

ذا وجودي من جفى الوقت واجحافة= بيح اسدود(ن) سواة الصناديقي

ميس(ن) من عدل ذا الوقت وانصافه=دام صار الروس مثل الملاحيقي

وقام كل(ن) يدعي علم واعرافه=وابتلش لدنى بالادنى على الريقي

وقرب الاقصى وأقرب الناس من شافة؟ = غربة (ن)ما تلحق باللواحيقي!

[/poem]

ارحب ياناصر
ومن طول الغيبات جاب الغنايم
وهنا الغنيمة شعر رائع جدا
لاعجمت ولاهفيت

ناصر

صح السانك ولاهنت

قصيده رائعه من رائع

لك تحياتي

اررررررررررحب يابوعوض



وصح لسانك يالقرم



قصيدة طيبه من طيب



لك تقديري

صح لسانك يابو عوووووض



كبير كبير



لله دررررررررررك


مودتي

اتحـرى وقتهـا وأعـرف أوصافـة
(كل مـا جـاء طاريـن للمطاليقـي)
الرجال الـي علـى الصـدق وقافـة
صيتهم مـا جـاء بكـذب وتلافيقـي
أفتقدهم كـل مـا رحـت فـي شافـة
مـا بقـا الا رسمهـم والمواثيـقـي

:
:

مرحبابك ... وصح الله لسانك ..

تقديري وأحترامي

ابوعايض


صح لسانك لاهنت على القصيده الجزله