ولاهي غريبه وانت من لابة العتبان

السلام عليكم ورحمة الله وبركاته

كل عام وانتم بخير جميعا ً


هنا رجل يستحق الثناء والمديح ولن تفيه حقه هذه المتواضعه

لكن لعلها توصل وتعبر عما في القلب تجاهه


الاخ والاستاذ القدير / محمد العتيبي









[poem=font="Simplified Arabic,5,#0015FF,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
على طاري الامداح غنيت بالقيفان = وحددت وجهتها وحددت معناها
ولا كل رجال ٍ تجيه البيوت سمان = ياكون الرجال الطيّبه ولا ّ شرواها
لكن ّ انت يامحمد غدى المدح لك عنوان = تجيك البيوت الوافيه ونتنقاها
فمشكور والله لايهينك يابو ريان = علوم الوفاء واهل الوفاء مانتناساها
حظرت وفزعت وفزعتك تبري الوجعان = وياسعد عين ٍ فزعتك تجلي عْماها
تركزت للماقف وسميت بالرحمن = ونيشنتها واصبتها بين عيناها
ولاهي غريبه وانت من لابة العتبان = رجال ٍ تعز اصحابها تلطم اعداها
عتيبه عتيبه كل مطنوخ ٍ وبطران = عتيبه بيوت المدح فيها انتحلواها
ولااقولها سمعه ولازور ٍ وبهتان = اقول الحقايق دايما ً واتقصاها
لو ان كل بيت ٍ فيه مثلك (يابو ريان) = ماشفنا فلسطين اتحسّر على اقصاها[/poem]

معيض




صح الله لسانك





وسلم فكرك وبنانك





ولاهنت




ونعم في المادح والممدوح




لك تحياتي
ابو احمد

معيض

صح السانك ولاهنت

ونعم بالمادح والممدوح وكل طيب يستاهل

لك تحياتي

يستاهل وتستاهل عتيبة الهيلا


وصح لسانك ..ولا هنت

صح لسانك وطاب بيانك يامعيض
ويستاهل من يسد المواجيب
ويستاهلون عتيبه كل طيب

اررررررحب يابن شملان



وصح لسانك يالقرم



قصيدة طيبه ويستاهل محمد وربعه عتيبه المدح ولايهون الحاضر



لك تقديري

عليكم السلام ورحمة الله

وصح لسانك معيض

ولاهنت على هـ الشاامخه

تقديري لك’,,

مرحبا يامناور

صح جسدك طال عمرك


لاهنت على تشريفك طال عمرك

عتيبه عتيبـه كـل مطنـوخ ٍ وبطـران
عتيبه بيـوت المـدح فيهـا انتحلواهـا

:
:

هلابك يابن شملان ... كل من جاد الطيب يستحق ان يُمدح ويُثنى عليه .. وقبيلة عتيبة قبيلة عريقة و رجالها عنوان للطيب

صح لسانك

مرحبا يالوطري


صح جسدك والله لايهينك


واي بالله يستاهل الممدوح وربعه


لاهنت ..

لو ان كل بيت ٍ فيه مثلك (يابو ريـان)


ماشفنا فلسطين اتحسّر علـى اقصاهـا


الله يكثر الطيبين


صح لسانك يامعيض