[poem=font="Simplified Arabic,6,undefined,bold,normal" bkcolor="" bkimage="" border="double,10,undefined" type=1 line=0 align=center use=ex num="0,#400000"]
البارحه لوشفتني مااتعرفني= من زود همي صار فيني إختلافي
هاضت جروحي وكل جرح نزفني= جرح يشاف وجرح صعب يشافي
دمع ذرفته من عيوني وذرفني= والصبر مكهف والمواجع سوافي
انا الذي ماكل هم يعسفني= عنيد بشموخي صعيب عسافي
اواه من هم بقلبي تلفني= ماغير اصارع لوعتي وارتجافي
اون بسكوت وزماني حذفني= ومشيت فوق الجمر ياخوي حافي
كن الذيابه بالضلوع يهرفني= ولازلت اكابر ماكتبت اعترافي
كني ولفت الحزن مدري ولفني= وجرعت مره,واهتنا بارتشافي
حرمني اللي لادفنت يخلفني= من زينة الدنيا,وزلال الصوافي
ثقيل همي عن منامي صرفني= جفل كما جفلة اصيل وعافي
كل مابغيت اشد جفني لجفني= عيت عيوني عن سهاد الغوافي
كن الشقا,لوقوت همي وصفني= من بين خلق الله ولاقال كافي
الين عمري للمشيب انتصفني= وراحت سنيني واغلب العمر طافي
برد الدهور وقاسياته صلفني= واشد بلحافي ويقصر لحافي
على نغم انات حزني عزفني= منهو سمعها يطرب لعذب صافي
مالي عضيد غير حرف ردفني= مالي عوين بهالزمن غير قافي
مثل المطر بشقاق بيتي وكفني= غيث يبل عروق قلب نشافي
من ماعرفني من قصيدي يعرفني= تبوح له اسمي حروف القوافي
[/poem]
البارحه لوشفتني مااتعرفني= من زود همي صار فيني إختلافي
هاضت جروحي وكل جرح نزفني= جرح يشاف وجرح صعب يشافي
دمع ذرفته من عيوني وذرفني= والصبر مكهف والمواجع سوافي
انا الذي ماكل هم يعسفني= عنيد بشموخي صعيب عسافي
اواه من هم بقلبي تلفني= ماغير اصارع لوعتي وارتجافي
اون بسكوت وزماني حذفني= ومشيت فوق الجمر ياخوي حافي
كن الذيابه بالضلوع يهرفني= ولازلت اكابر ماكتبت اعترافي
كني ولفت الحزن مدري ولفني= وجرعت مره,واهتنا بارتشافي
حرمني اللي لادفنت يخلفني= من زينة الدنيا,وزلال الصوافي
ثقيل همي عن منامي صرفني= جفل كما جفلة اصيل وعافي
كل مابغيت اشد جفني لجفني= عيت عيوني عن سهاد الغوافي
كن الشقا,لوقوت همي وصفني= من بين خلق الله ولاقال كافي
الين عمري للمشيب انتصفني= وراحت سنيني واغلب العمر طافي
برد الدهور وقاسياته صلفني= واشد بلحافي ويقصر لحافي
على نغم انات حزني عزفني= منهو سمعها يطرب لعذب صافي
مالي عضيد غير حرف ردفني= مالي عوين بهالزمن غير قافي
مثل المطر بشقاق بيتي وكفني= غيث يبل عروق قلب نشافي
من ماعرفني من قصيدي يعرفني= تبوح له اسمي حروف القوافي
[/poem]
تعليق