ناموس قحطان

[poem=font=",5,indigo,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
يـاهاجسي مـالك لـيامنه بـدا الـلازم صدود = لـو مـنت قـد المعضله ما ينتخي فيك القصيد
الله واكـبر يـاعسى يـوم الـفجايع مـا يعود = انـا حـصلي مـوقف هـمي من اسبابه يزيد
لـقيت لـي طفل صغير من ضهود في ضهود = جـالس مـع اقـرانه مـن الصبيان لكنه وحيد
مـن نـظرته حسيت بأحزانه وفكره في شرود = إلا تـحس انـه حـزين وعـيشته هـمٍ وكيد
وجـهه تـقاسيمه ملامحها على احزانه شهود = وفي صوته المبحوح نبرة حزن واهمومه تزيد
نـظرة عـيون تـكسر الـخاطر وتتفطر كبود = بـرائته فـيها غـموض ولا شـقي ولا سـعيد
فـي حـالة يـرثالها حـيله مـن الهم مهدود = ايـصارع هـمومه ويـندب طـيحة لحظ النكيد
ويـوم ألتفت لي قال لا تشمت وعجل بالصدود = قـلت انـتظر لي يـافتى بالله قل لي ويش تريد
قـال اه لا تـسأل فـديتك يـاوجودي بالوجود = حـتى ولـو تـعرف معاناتي وش اللي بستفيد
ومـن عـبرته قام يتنهت واغرق الدمع الخدود = كـن خـده الـطاهر يقول لدمعته هل من مزيد
ويـوم اسـترد انـفاسه ووقـف تولم للردود = وأول مـاقال الـحمد لـله والله يـفعل ما يريد
قـصة حياتي زي مانت تشوف في عمر الورود = وخـيم عـلى الـهم وافراحي من احزاني تبيد
يـتيم مـن امـي وبـوي وكلبوهم في الوجود = لـكن تـفرق شـملهم بـاسباب شـيطان مريد
امـي يـصارعها الـمرض وإتون والعالم رقود = امـطلقه عـند اهـلها وابـو ي في رجليه قيد
وانـا الـضحيه والـزمن ظالم وبيحت السدود = واظـن فـي هـذا الزمن مالي وصيف ولا نديد
فـي عـالمي سـود الـليالي بيض والايام سود = يـعني مـشردني الـزمن والـهم والحظ العنيد
واثـنا كـلامه سـلهم بعينه ووقف في صمود = انـا ولـد سـعيد ابـن قـاسم يـابوديه سعيد
يـاخال تـكفى تـبذل المجهود وتحث الجهود = الـهم قـطاع الـرجا والـموت في حبل الوريد
افـزع ياخال بوجهك وجاهك ترا الوقت محدود = لا يـنثني عـزمك ترا الماقف مثل صلب الحديد
قـلت الفرج قرب وانا بين الصوادر والورود = مـن دهـشة الموقف ومن نخوتك ياهذا الوليد
عـادتنا لـما انـتخا الـمضيوم لـعيونه نرود = روس الـنوايف لين نجلا الهم في اليوم الشديد
هـذي سـلوم لـقحطان اهل الفعول عيال هود =الـعود ورثـها الـولد لـين الولد ورثه حفيد
مـنا المهادي مظرب الأمثال من ماضي العهود = الـلي رفـع روس قـحطان بفعله الفعل الحميد
هـذي فـعول اسـلافنا تـبقا عـلى مر العقود = والـيوم يـاتاريخ سـجل صيغة المجد الجديد
مجد لبن فرحان لاهانو عـريبين الجدود = اللي بنو للمجد صرح ورايهم راي رشيد
الـلي زبـنكم وانـتخا فـيكم يـعنزها سـنود = يـاربعنا الوافين لاهنتو وطارفكم سديد
الـحيم ذاحـبها الـضما وانتوا الموارد والعدود = يـاعيلم ورده حـداه الـقيض والـحر الشديد
يـاهل الـحميه يا آل فرحان المطانيخ الاسـود = يـاهل الـنقا واهـل الـبقا والعز والمجد التليد
يـاخوان هـادي يـابني عمه يادرعه والعضود = يـاعزوته يـازبنة الـخايف هـل الفعل الوكيد
انـتو هل الوقفه وفعل كل يوم وفيه زود = وابـو حـسن عفا لوجه الله بلا شرطٍ وقيد
يابيض غنيله وجينا نشكر الوافي حشود = لـرضاه نـطوي يـالنجايب والـركايب كل بيد
كفى ووفى واشهد ان االطيب من طيبه يجود = مواقفه عز وفخر يالله عسى عمره مديد
البيض نرفعها لبن فرحان في ر اس العمود = وعيال عمه كلهم ولكل منهو له عضيد
الـلي عـلى قـيد الحياه مقيم واللي في اللحود = والله يجعلها بميزانه وميزان الفقيد
اقولها ويقولها كل القبايل والوفود = كل يقول ونعم ياهادي وكررها واعيد
صـوت الـقبايل يوم قالوها مثل دوي الرعود = في موقف يفخر به التاريخ عنه ما يحيد
يـوم انتخوا فيك اقحطان اهل الوفاء غمرٍ وعود = قدرتهم ياراعي الطالات والـشور السديد
الاولـه بـشرا وخير الله ما يخلف في الوعود = ابـشر بـالأجر وبـالثواب ومـا تقدم لك رصيد
والـثانيه مـا لـلجمايل فـي عـويدنا جـحود = ولا كـسبها غـير رجـلٍ عاش في الدنيا زهيد
وانا اشهد انك قدها مالك عن العليا صدود = نرفع لك البيضا ومجدك صطره عذب القصيد[/poem]

هذي فعول اسلافنا تبقـا علـى مـر العقـودواليوم ياتاريخ سجل صيغـة المجـد الجديـد
مجد لبن فرحـان لاهانـو عريبيـن الجـدوداللي بنو للمجد صـرح ورايهـم راي رشيـد
اللي زبنكـم وانتخـا فيكـم يعنزهـا سنـودياربعنـا الوافيـن لاهنتـو وطارفكـم سديـد




ارررررررررررررررحب يابوعبدالهادي



وصح لسانك ياشاعر المواقف الجزل



وبيض الله وجه ابن فرحان واخوانه وبني عمه وجزاهم الله خير علم طيب واجر وغنيمه



تقبل تقديري

الله يجزي من فعل الخير خير الجزاء ..

و قحطان كفو في ذي و قبلها و بعدها

لاهنت يالشاعر

سعيد

صح السانك ولاهنت


قصيدة موقف وفعل يستحق صاحبه المدح

لك تحياتي

[align=center]ســــــــــــــــــــــــعــــــــــــــــــــــــــد


اشهد انه صح لسانك وبيض الله وجهك قصيد تنومس


وبيض الله وجيه ال فرحان علم طيب ولاهو غريب عليهم[/align]

[align=center]صح لسانك

ياسعيد ولاهان راسك يالجزل

وبيض الله وجيه ال فرحان وبني عمهم على فعلهم المشرف

و قحطان العريبه كفو ولايهون الحاضر

تقبل سلامي وتقديري يامبدع[/align]

بيض الله وجهك يابوديه


وصح الله لسانك والله يبيض وجه ابن فرحان كساب الناموس


وياليت الباقيين يحذون حذوه ويكسبون اجر وجميل والامل فيهم كبير بعد الله


لاهنت لاهنت

الشاعر الجزل

سعيد الحازبي

صح لسانك وبيض الله وجهك

قصيده شامخه بشموخ راس شاعرها

لك خالص ودي وتقديري

أخوك

ماعليكم زود

والله لا يهينك يا وجه سنحان

انت وافي في ذي وفي غيرها

صح الله السانك ....لاخلى ولاعدم

آخوك