يا سلامي على ذالأرشيف
دخيييييييييلك لا تخلي فيه شي
دام انه على ذالنوووووووووع
-
القناعه كنز
[align=center]" من الإرشيف "[/align]
[poem=font="simplified arabic,7,teal,normal,normal" bkcolor="transparent" bkimage="" border="double,4,teal" type=1 line=0 align=center use=ex num="0,black""]
يا الله المطلوب يا قاضـي الحاجـه=رف بحال اللي لرحمتـك محتاجـي
يرتجي منك الفرج عجّـل إفراجـه=ويتوسل بالدعاء ومنـك الإفراجـي
واجه من ظروف الأيام مـا واجـه=وان قضى ظرفٍ يجي ظرفٍ مفاجي
كـل يـومٍ فيـه الآفـاق منبـاجـه=في عيونه مثل ليل الدجى الداجـي
وين ما يمم بهـا ضـاق بـه فاجـه=وأعترض له من طواريّه أفواجـي
وان بغى ينسى طواريه وإزعاجـه=شاف من وقته كوابيس وإزعاجـي
يـا لبيـب القلـب دنيـاك مواجـه=من صدوف احذوفها ما حد ناجـي
عن خوافيها أكثر النـاس سجّاجـه=يحسبوهـا سجّـة وفلّـة حجاجـي
والصحيح ان كلمـة الحـق فلاجـه=والحكم مـا قالهـا كـل هراجـي
ما كتب لك شفت سمحه ومنعاجـه=ما عن المكتوب مهرب ومخراجـي
والصبر حصانة الرجـل وسياجـه=والبصيرة والعقل نـور وسراجـي
والقناعـة كنـز والنفـس حنّاجـه=لا تضريهـا بكـثـر التحنـاجـي
عند من تخشى ليا جيتـه إحراجـه=تحرجه وألا يسبب لـك إحراجـي
الرجل يعرف دخولـه ومخراجـه=له سواة الذيب مسرى ومدلاجـي
دامت أقدامك على الأرض دواجـه=كل فجٍ لـك مـن فجوجهـا فاجـي
خلهـا يـا طيّـب الفـال سواجـه=وان وردت أورد على جال هداجي
والرفيق اللي على الطيب منهاجـه=سايره بالطيب مـع كـل منهاجـي
لا تقـول اليـوم مانيـب محتاجـه=الفلـك دوار والوقـت حـواجـي
والردي لو كان يضحك لك حجاجه=ودك انه من وراء ساحـل العاجـي
حايل من دونـه البحـر وامواجـه=لن قربه علـة مـا لهـا علاجـي
[/poem]
اترك تعليق: