في سلامة دلبج بن لعرج

[align=center]هذي في سلامة ابو الجميع : دلبج بن صالح ال لعرج



بعد ان من الله عليه بالعافيه





واسأل الله له العافيه وطولة العمر[/align]

[poem=font="Simplified Arabic,5,undefined,normal,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]

لا باس يا عودً سما بأخلاقه=سامي فعول ورايته خفاقه

طهور واتلا عارضً فالدنيا=ويمده المولا بعزم وطاقه

ارتعت واللي راعني واخلفني=علم عجزت آقوم في صدّاقه

قالوا عمود العز للقبيله=واحجابه المذري وحبل رواقه

غابت رموسه فالسرير الابيض=وادع الولي من غيبته بأيفاقه

عزآه يا كسر الجناح وعزي=لأحوالنا يا محتمي للساقه

جعل الليالي ما تغيّب شمسه=وتغيب شمس اللي وهن خفاقه

فعله يسوّق يالنشاما لأسمه=غني من مدحي ومن سواقه

يمناه في بذل العطا ممدوده=يعطي عطا من لا يخاف الفاقه

لأنه رفيع الراية المحموده=وابيه قبله رايته خفاقه

لا ضاقت آفاق الردي في عينه=فضلً من الله ما تضيق آفاقه

راسي لصكات الزمان الاشهب=ما ارخا لصلفات السنين شقاقه

حقلً غويرً ما يغلق خامه=حطم عزم من نافسه وأسواقه

الله جعل في ماقفه فاللازم=نصرً لمن ضيّق عليه نطاقه

يثور بالحمل الثقيل لحاله=وان ناض غيره بالحمل ما طاقه

ماحدٍ يجاري بالمكارم دلبج=أطلق شنب عنده يروح علاقه

ماله كنييد ينافسه في طيبه=اللي عشق طيب الفعول عشاقه

تشهد له القيمان قبل أربوعه=تاريخ عزً في سجل اوراقه

جعل الخيال اللي تكاشف نوّه=تبكي مزونه لا ضحك براقه

ويعل دارً حل فيها دلبج=الين ياسم فالنقا دفاقه

والى استوى عشب الوطا بحزومه=في شبعة الحاشي تخشر الناقه

داره ودار الطيب من أربوعي=نعم النبا اللي شيعه خلاقه

لانه غزى طمعان لأنعم وأكرم=واقفا على جل الكرم وأدقاقه

الصامل اللي فاللقا يحسب له=عقب صبيً به تجف أرياقه[/poem]

.,


حسين المري / صح لساانك على هالجزلة
ولا يرى الجميع بااس

.,

حسين

صح السانك ولاهنت

قصيده رائعه ومعبره

لك تحياتي

صح لسانك

والحمدلله على سلامته


وهذي اعتبرها نقطه من بحر دلبج

بدون تقصير في حقك

والله يقومه بالسلامه


ركن للقبيله

ورمز وفي

وصح الله لسانك

قصيده من أجمل ما سمعت


وقرأت


ذات بعد ثقافي وزخم شعري

اقول عشره على عشره

ياحسين

تحياتي واله يرجعك بالسلامه انت وخوياك

حسين







صح الله لسانك



وسلم فكرك وبنانك






ولاهنت



لاباس طهور إن شاءالله





لك تحياتي
ابو احمد

صح الله لسانك

والله يسلم دلبج بن صالح سلامه دايمه ولا يريه مكروه ولا يريك ولا القراء الاعزاء كذلك

دلبج بن صالح العرج المري يعجز القلم ان يصف علومه الغانمه ولا هنت ياحسين بماكتبت وهو يستاهل ماكتب فيه

لاهنت على المشاعر الطيبه
وصح لسانك
ايها الجميل

ارررررررررحب ياحسين



وصح لسانك يالقرم



وعساه مايشوف شر والحمدلله على سلامته




لك تقديري