Tweet
السلام عليكم ورحمة الله وبركاته
كيبوردية مثل مايقولون اتمنى ان تروق لكم
[poem=font="traditional arabic,6,black,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
المعيشة كايده والصبر فاضي= فاض عن حده وهيضت القريحه
لين فكري من هجوس الشعر هاضي=وقمت اهوجس بالعبارات الصريحه
والهواجس سوقها في الصدر حاضي=جالها بين الضلوع العوج صيحه
إتزاحم مثل زحمات الرياضي=في شوارعه العريضة والفسيحه
قلت ابوعظ مير مافاد اتعاضي=العرب ماعادها يم النصيحه
والوجية الناعمة صارت قضاضي=والوجية القاسية صارت مليحه
الظروف مدحدرة والجيب فاضي= والدخل ما جاب لي قيمة ذبيحه
كل يوم شايل كيسة مقاضي=والسعر في السوق يالله لاتبيحه
ومن ايجار البيت نوم العين قاضي=والفواتير اتبرمج في الشريحه
طيّروا سعر المباني والاراضي=والكفوف المرهيه صارت شحيحه
والعرب قسمين زعلان وراضي= عالمٍ تشقى وعالم مستريحه
اسمحو لي لاتلومون اعتراضي=والله ان الموت خير من الفضيحه
حللوها عند امير وعند قاضي=قبل نفطم من طعم ديس المنيحه
ليت براق الحيا في النو ناضي=قبل ثعبان الجبل يقرب فحيحه
تلقح الفتنة وياتيها المخاضي=والعواقب قبل لاتالد قبيحه
تدري ان بليس من طبعه مغاضي=يبلشك ويزيحّك قبل ان تزيحه
وفي الصلاة يقول لك مانته بواضي=والصلاة اللي تصليها صحيحه
القمر وان غاب تلقى النجم ياضي=ومعجم التاريخ واسطوره فصيحه
والسواد اللي مغطيه البياضي=كلها لاجل الردية والنطيحه
والمطيح اللي يسبب الانتهاضي=ودك انك طائح عشرين طيحه
والمديح اللي يسبب الانقراضي=ودك ان القوم تسلم من مديحه
راحت ايام الخزامى والفياضي=يوم زملوق الثرى يكسيه شيحه
طفرة راحت وصارت فعل ماضي=مابقي من عود جاوه غير ريحه[/poem]
كيبوردية مثل مايقولون اتمنى ان تروق لكم
[poem=font="traditional arabic,6,black,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
المعيشة كايده والصبر فاضي= فاض عن حده وهيضت القريحه
لين فكري من هجوس الشعر هاضي=وقمت اهوجس بالعبارات الصريحه
والهواجس سوقها في الصدر حاضي=جالها بين الضلوع العوج صيحه
إتزاحم مثل زحمات الرياضي=في شوارعه العريضة والفسيحه
قلت ابوعظ مير مافاد اتعاضي=العرب ماعادها يم النصيحه
والوجية الناعمة صارت قضاضي=والوجية القاسية صارت مليحه
الظروف مدحدرة والجيب فاضي= والدخل ما جاب لي قيمة ذبيحه
كل يوم شايل كيسة مقاضي=والسعر في السوق يالله لاتبيحه
ومن ايجار البيت نوم العين قاضي=والفواتير اتبرمج في الشريحه
طيّروا سعر المباني والاراضي=والكفوف المرهيه صارت شحيحه
والعرب قسمين زعلان وراضي= عالمٍ تشقى وعالم مستريحه
اسمحو لي لاتلومون اعتراضي=والله ان الموت خير من الفضيحه
حللوها عند امير وعند قاضي=قبل نفطم من طعم ديس المنيحه
ليت براق الحيا في النو ناضي=قبل ثعبان الجبل يقرب فحيحه
تلقح الفتنة وياتيها المخاضي=والعواقب قبل لاتالد قبيحه
تدري ان بليس من طبعه مغاضي=يبلشك ويزيحّك قبل ان تزيحه
وفي الصلاة يقول لك مانته بواضي=والصلاة اللي تصليها صحيحه
القمر وان غاب تلقى النجم ياضي=ومعجم التاريخ واسطوره فصيحه
والسواد اللي مغطيه البياضي=كلها لاجل الردية والنطيحه
والمطيح اللي يسبب الانتهاضي=ودك انك طائح عشرين طيحه
والمديح اللي يسبب الانقراضي=ودك ان القوم تسلم من مديحه
راحت ايام الخزامى والفياضي=يوم زملوق الثرى يكسيه شيحه
طفرة راحت وصارت فعل ماضي=مابقي من عود جاوه غير ريحه[/poem]
[/align]
تعليق