" هوامير الطّغى "

[align=center]كل عام والكرام في هذا المنتدى بخير ...[/align]

.


[poem=font="Simplified Arabic,6,#090C28,bold,normal" bkcolor="" bkimage="" border="none,4,#400000" type=2 line=1 align=center use=ex num="0,#400000"]
ماهمّلت عين الفقير اللي شكى من عيشته= الاّ تعالت وقتها ضحكة هوامير الطغى
هذا زمان السوء يعلن للجميع كليشته= يقولها للي بغى يصبر .. وللي مابغى
شتّان بين ملهّدٍ ما كفّته تحويشته= وبين الدّفوش اللي تجاوب بالنهيق وبالثغا
وانا ترى ما ذمّ تاجر يحتمي تكويشته= الا اذا غاب العطا من بند ماله والتغى
البخل تاجٍ للبخيل يرزّ فوقه ريشته= لكنّ ماهو للرجال اهل الجماله مبتغى
يا كيف يرضى والبخل يكتب نبا تهميشته= واذا دعوه لّلازمٍ من اللوازم ما صغا
وشلون يجرؤ يجزي المحتاج في تطنيشته= والله كساه من النعم عقب افتقاره واسبغا
وشلون مايرحم وهو ساهر يمزّز شيشته= طفلٍ لجيرانه بكى من مسّة الجوع و ضغا
لكن قل له لو يصكّ الباب هو وادريشته= و يحطّ حرّاسه جنودٍ ما تقصِّر بالوغى
لا يامن الدنيا تهبّط بالشقا تنفيشته= وتذلّله مهما تعاظم بالملايين وبغى
كم من غني ردّه الله لين أمسى بخيشته= وكم من فقيرٍ بلّغه (ربي بفضله) مبلغا
وكم طايشٍ عنه اقصرت من سوء فعله طيشته= وما للجمل عقب الهديرالاّ التشكّي والرّغا
هذي تصاريف الزمن فينا وهذي كليشته= يقولها للي بغى يصبر .. وللي مابغى[/poem]

.

الله الله ياخالد
ما اجمل ماكتبت من حسن اللفظ وجزالة الحرف
قصيدة اشبه ماتكون بسبيكة الذهب النقي
لله درك من شاعر

خالد

صح السانك ولاهنت

قصيده رائعه من رائع

لك تحياتي

لا يامـن الدنيـا تهبّـط بالشقـا تنفيشـتـه
وتذلّلـه مهمـا تعاظـم بالملاييـن وبـغـى
:

الله قادر على كل شي ... وأنت شاعر من العيار الثقيل بهذا النص وماسبقه من نصوص مُتقنه

اخوي خالد


الدنيا احوالها احوال


والعالم اليوم ما همهم الاخرة بقدر ما تهمهم التحويشه


والمشكلة في التحويشه كما ذكريت كيف جت وكيف يفعل ويعمل بها


جعل كل غني ما يذكر بخير جعله للفقر



والخسران المبين


ختم القول صح لسانك وبيض الله وجهك


نص جميل ورائع


تقبل مروري وتقديري

اخوك

ابونايف

الله الله ياخالد
ما اجمل ماكتبت من حسن اللفظ وجزالة الحرف
قصيدة اشبه ماتكون بسبيكة الذهب النقي
لله درك من شاعر

[align=center]ابو مقبل

بيض الله وجهك

وجمّل حالك يالغالي

وجودك شرف لأخوك

تحيتي الغالية لك[/align]

بيض الله وجهك ياخالد




وافيه وانت وافي






صح لسانك




ولاهنت




لك تحياتي
ابو احمد

صح لسانك

واعتلا شانك

قصيدة شامخة و وافية من وافي


تحياتي لك

الوقيت
.
.
اصفق لك
لاهنت على الابداع

اررررررررررحب ياخالد



وصح لسانك يالقرم



مبدع ومتمكن في جميع الاحوال



لك تقديري