[poem=font="Simplified Arabic,4,#FF2E00,bold,normal" bkcolor="" bkimage="images/toolbox/backgrounds/8.gif" border="none,4,#400000" type=0 line=1 align=center use=ex num="0,#400000"]
يا وجودي وجد من جدّه وابوه اعطوه خير السمعه = والقبايل لا بدا شانٍ على السمعه نصو بيبانه
وهو فقيرٍ كوده يحصّل مصاريف العيال السبعه = ولا معه في الديره احدٍ من بني عمّه لزم واخوانه
ابتلش في خبرة اجنابٍ على بابه صباح الجمعه = والمصيبه ما معه شيٍ يوفّر به غدا ضيفانه
يوم زلّو في وطاه ارسل ولده يروح يزهم ربعه = ربّ احدهم يفزع بمالٍ سلف والاّ طرف من ضانه
ردّهم له : قل لبوك انّا تعبنا من كرمه وطبعه = كم خسرنا يا ولد لجله وبيّحنا الجهد من شانه
لا رجع يرسله للثاني وهي نفس الخبر والرجعه = وراعي الدكان ساعة شاف ضيفانه قفل دكّانه
يوم صلّى مدّ كفّينه لخلاّقه وهلّ الدمعه = ودّه انّه قبل يتفشّل يموت ويلتوي باكفانه
مرخيٍ بالصوت لا يسمع دعاه اهل النفوس الوجعه = و وسّمت في كبده النظره من الشمّاته الديّانه
ذا وجودي يوم افكّر في زمانٍ به تشيخ الضبعه = الزمان اللي شكى نمره ضروفٍ كسّرت نيبانه
راح وقت السيف والسلّه وجا وقت الرخا والشبعه = واشتهر من كان لاشٍ ما يعرفون اسمه وعنوانه
علّمو جهّال وقتٍ ما تفرّق في ثعله وسبعه = تنتبه من قبل لا ياتي نهارٍ يشتبك دخّانه
ينخذل به من تحزّم بالذليل اللي يفشّل وقعه = يوم كلّ ٍ وقتها تظهر مواقيفه حسب سيسانه[/poem]
يا وجودي وجد من جدّه وابوه اعطوه خير السمعه = والقبايل لا بدا شانٍ على السمعه نصو بيبانه
وهو فقيرٍ كوده يحصّل مصاريف العيال السبعه = ولا معه في الديره احدٍ من بني عمّه لزم واخوانه
ابتلش في خبرة اجنابٍ على بابه صباح الجمعه = والمصيبه ما معه شيٍ يوفّر به غدا ضيفانه
يوم زلّو في وطاه ارسل ولده يروح يزهم ربعه = ربّ احدهم يفزع بمالٍ سلف والاّ طرف من ضانه
ردّهم له : قل لبوك انّا تعبنا من كرمه وطبعه = كم خسرنا يا ولد لجله وبيّحنا الجهد من شانه
لا رجع يرسله للثاني وهي نفس الخبر والرجعه = وراعي الدكان ساعة شاف ضيفانه قفل دكّانه
يوم صلّى مدّ كفّينه لخلاّقه وهلّ الدمعه = ودّه انّه قبل يتفشّل يموت ويلتوي باكفانه
مرخيٍ بالصوت لا يسمع دعاه اهل النفوس الوجعه = و وسّمت في كبده النظره من الشمّاته الديّانه
ذا وجودي يوم افكّر في زمانٍ به تشيخ الضبعه = الزمان اللي شكى نمره ضروفٍ كسّرت نيبانه
راح وقت السيف والسلّه وجا وقت الرخا والشبعه = واشتهر من كان لاشٍ ما يعرفون اسمه وعنوانه
علّمو جهّال وقتٍ ما تفرّق في ثعله وسبعه = تنتبه من قبل لا ياتي نهارٍ يشتبك دخّانه
ينخذل به من تحزّم بالذليل اللي يفشّل وقعه = يوم كلّ ٍ وقتها تظهر مواقيفه حسب سيسانه[/poem]
[/align]
تعليق